ArkiEskultura
[Giorgio de De Chirico: Italiako Enparantza; Alberto Giacometti: Lau emakume oinarri baten gainean]
[Orain, arkitektura ari al da eskulturaren etorkizuna idazten?]
Iruzkinak
Arkitektura minimalista
- Izenburua:
- Arkitektura minimalista
- Erakusketa:
- ArkiEskultura
- Gaiak:
- Artea eta espazioa | Arkitektura | Eragin artistikoa | Esperimentazio artistikoa | Bolumena | Forma | Subjektibotasuna | Komunikazioa | Teknika eta materialak
- Mugimendu artistikoak:
- Minimalismoa
- Artelan motak:
- Arkitektura
- Aipatutako artistak:
- Graham, Dan | Merz, Mario
Hasieran, Dan Graham amerikarrak beira islatzailez egindako pabilioia erakusten da. Beraz, eskultura ala arkitektura da? Galdera are nahasiagoa da baldin atzealdeko atea deskubritzen baduzu. Ireki egiten da, eta barnealdea ez da kanpotik ikusten. Behin barruan zaudenean, nekez saihets dezakezu beste bisitariei begiratzea, nahiz eta, jakina, haiek ezin zaituzten zu ikusi, pabilioiko beirazko aldeetan beren burua islatuta ikusten dutelako. Ezkutuan begira diezaiekezu artelanari begiratzen dioten bitartean. Egoera liluragarria da, eta asko esaten du publikoaren eta espazio pribatuen harremanari buruz. Artelana muntaketa esperimental bilakatu da. Tokiak eta artelanak bat egiten dute, eta bisitariari bere buruari zein besteei buruzko hausnarketa harrigarriak egitea ahalbidetzen diote. Komunikazioko eta isolamenduko esperientzia existentzialak dira, espazio publikoetako beirazko arkitektura modernoan ikus daitezkeenak, baina baita Interneteko espazio birtualean ere.
Grahamen beira islatzaileak alde bakarreko lotura sortzen du barnealdearen eta kanpoaldearen artean. Bestalde, Mario Merz-en igluak ez du sarbiderik. Kanpoko estalkia lihozko zakuz dago estalita, eta neoi argiekin Objet Cache‑toi, (Objektu, ezkuta zaitez) dago idatzita, objektuari ezkutu dadin eskatzeko. Horrekin guztiarekin isolamendu sentimendua indartzen da. Merzen iglu artifiziala jatorrizko etxebizitzaren nolabaiteko erreferentzia da, edo baita umetokiaren oroitzapena ere. Beraz, gizakiek salbu eta babestuta egoteko duten oinarrizko beharra da gaia.