ArkiEskultura
[Steven Holl: Bellevue Art Museum]
[Giorgio de De Chirico: Italiako Enparantza; Alberto Giacometti: Lau emakume oinarri baten gainean]
Iruzkinak
[Carl Andre: Harearrizko Instar-a; Alberto Giacometti: Hiru gizon oinez]
- Izenburua:
- [Carl Andre: Harearrizko Instar-a; Alberto Giacometti: Hiru gizon oinez]
- Erakusketa:
- ArkiEskultura
- Gaiak:
- Giza gorputza | Artea eta espazioa | Arkitektura | Eragin artistikoa | Sorkuntza artistikoa | Bolumena | Forma | Geometria | Ingurunea
- Mugimendu artistikoak:
- Minimalismoa
- Artelan motak:
- Instalazioa
- Aipatutako artistak:
- Andre, Carl | Giacometti, Alberto
Espazio karratu handia da. Baina zer esan nahi dute lurrean, diseinu angeluzuzen batean antolatuta, dauden hareharrizko lauza angeluzuzenek? Non dago eskultura? Arkitektura izateko pentsatua dago, ala toki publiko baterako diseinua baino ez da?
1960ko hamarkadaren bukaeran eskulturaren gorputza desegin egin zen, eta ingurune baten zati bilakatu zen. Hala, ikusleak ingurune horretan bere burua, bere gorputza, eskultura balitz bezala sentitu behar du. Artearen benetako lana orain «bidea eta lekua» izatea da. Eta hori ezaguna da instalazioen artea sortu zenetik. Iraultza horren aitzindarien artean dago Carl Andre, Estatu Batuetako artista Minimal Art delakoaren aldekoa. Lurrean, zure aurrean den lanak, hareharrizko lauzekin eginak, Harearrizko Instar-a du izenburu, eta eskola berri horretako lan nagusi bat da. Andre‑k 1966an erakutsi zuen lehenengoz lan hori. Zortzi atal ditu, eta atal bakoitzak industrian egindako 120 adreilu ditu.
Alberto Giacometti, Suitzako eskultorea, instalazioen artea sortu zutenetakoa izan zen. 1950eko hamarkadan, haren irudiak gero eta leunago bilakatu ziren, eta, azkenik, ia‑ia desagertu egin ziren, ikuslearen gorputza espazioan bakarrik utzita. Bizitzan zehar, Giacomettik eskulturari bolumenaz gabetzeko bideak aztertu zituen, eskultura lana toki gisa atzeman zedin. Chillidaren bezala, hutsari itxura eman zion horietako bat izan zen. Giacomettik gorputzak espazio bilakatu zituen, eta prozesu hori era zoragarrian erakusten da Hiru gizon oinez deritzon piezan.