ArkiEskultura
[Filosofoa arkitekto gisa: pentsamenduaren sistemak arkitektura gisa]
[Fritz Wotruba: Figura handi etzana; Roger Diener: Suitzako enbaxada Berlinen]
Iruzkinak
[Arkitektura eskultura bilakatuta - Eskultura arkitektura bilakatuta 1950-60]
- Izenburua:
- [Arkitektura eskultura bilakatuta - Eskultura arkitektura bilakatuta 1950-60]
- Erakusketa:
- ArkiEskultura
- Gaiak:
- Arkitektura | Eragin artistikoa | Sorkuntza artistikoa | Espazioa | Forma | Geometria | Mugimendua
- Artelan motak:
- Arkitektura | Eskultura
- Aipatutako artistak:
- Le Corbusier, | Moore, Henry
1950eko hamarkadan eskulturaren eta arkitekturaren arteko elkarrizketa maila altuetara iritsi zen. Eskultoreei aukera eman zitzaien eraikinak egiteko, eta hala egin zuten, esaterako, Fritz Wotrubak Vienan edo Andre Blocek Espainian. Bestalde, arkitekturak gero eta ezaugarri gehiago hartu zuen eskulturatik. Horren adibide nagusietako bat da Le Corbusier‑ek Ronchamp‑en, Alsazian, diseinatu zuen kapera. Kutxa angeluzuzena perfekziora eraman zuen Villa Savoye delakoan, 1931n, eta, ondoren, Le Corbusier‑ek bizkarra eman zion behin betikoz angelu zuzenaren printzipioari. Kutxa sortu beharrean, paisaiaren forma biribilak bereganatu zituen eraikina diseinatu zuen. Kapera txiki hura 1954an ireki zuten.
Begirada arretatsuagoa emango diogu Villa Savoye‑ren modeloari. Ikus dezakegu barrualdea ere ez zegoela kutxa angeluarrez osatua. Aitzitik, espazioak era organikoan antolaturik daude, eta, eraikinaren erdigunean, eskailera kiribil exentuek eta arrapalak barrualdetik kanporanzko zein alderantzizko mugimenduak erregulatzen dituzte. Nolabait, Villa Savoye «kutxa baten barruko orbana» da. Mugimenduaren ezaugarriak zerikusi handia du begien mugimenduarekin; hau da, Henry Moore‑ren eskultura bat, esaterako, aztertzean egin behar dugun mugimendu motarekin. Gogoan atxiki lotura hori Moore‑en eskultura eta arkitekturako bi ereduak ikusten dituzunerako. Esperientzia harrigarria da. Bidenabar, Henry Moore‑en eta leize arkitektura arkaikoaren arteko lotura oso nabarmena da Kasketdun burua 3. zk. deritzon brontzezko eskulturan. Lan horretan, gorputz trinkoa erditik zabalduta dago.