ArkiEskultura
[Orain, arkitektura ari al da eskulturaren etorkizuna idazten?]
[Peter Eisenman: Holokaustoari monumentua; Peter Zumthor: Ikararen topografia]
Iruzkinak
[Herzog & De Meuron: Arte Kutxa; Robert Morris]
- Izenburua:
- [Herzog & De Meuron: Arte Kutxa; Robert Morris]
- Erakusketa:
- ArkiEskultura
- Gaiak:
- Artea eta espazioa | Arkitektura | Eragin artistikoa | Sorkuntza artistikoa | Bolumena | Geometria | Perspektiba | Teknika eta materialak
- Mugimendu artistikoak:
- Minimalismoa
- Artelan motak:
- Arkitektura | Eskultura | Maketa
- Aipatutako artistak:
- de Meuron, Pierre | Herzog, Jacques | Judd, Donald | Morris, Robert
1996an, Jacques Herzog eta Pierre de Meuron arkitektoek, Pritzker arkitektura sariaren irabazleek, kubo itxurako erakusketa areto sinplea diseinatu zuten Grothe bildumarako. Diseinuari Arte kutxa izena jarri zioten, eta proiektua inoiz gauzatu ez bazen ere, oso antzeko eraikin bat egin zuten, Munichen, Goetz bildumarako. Eraikina 24 metro luze da, eta haren barrura sartzen zaren heinean, Donald Judd artista minimalistaren eskultura batean sartzen ari zarela ematen du. Beraz, Judden eskultura bakartia, arkitektura erabilgarri bihurtu dute Herzog eta de Meuronek.
Izan ere, eskultura minimalista eta arkitektura bat etortzeak, arkitektoak bi aldetarantz bultzatu ditu: batetik, artean espazioaren gaineko esperientzia berriak zehaztasun osoz aztertzera; eta, bestetik, euren diseinu prozesu praktikoetan lagunduko dien oinarria eskuratzera. Orain arte, Herzog & De Meuron estudioa izan da «digestio» prozesu hori modu eraginkorrenean egin duena. Begira iezaiozu areto honetan den haien bigarren lanari. Basileako tren geltokiko kontrol eraikin nagusiko eredua da. Eraikina inguratzen duten kobrezko zerrendek Robert Morris‑en feltro lamelarrezko eskulturak gogorarazten dizkigute. Eta eskultura horietako bat, hain zuzen ere, ikusgai dugu gune honetan.