ArkiEskultura
[Lars Spuybroek: D-dorrea]
[Herzog eta de Meuron: Jinhua ii-Bertikal egitura]
Iruzkinak
[Jean Nouvel: Suitzako Expo’02ko Monolitoa]
- Izenburua:
- [Jean Nouvel: Suitzako Expo’02ko Monolitoa]
- Erakusketa:
- ArkiEskultura
- Gaiak:
- Artea eta espazioa | Artea eta teknologia | Arkitektura | Eragin artistikoa | Sormena | Bolumena | Perspektiba | Sinbologia | Blob arkitektura
- Mugimendu artistikoak:
- Arte Garaikidea
- Artelan motak:
- Arkitektura | Eskultura
- Aipatutako artistak:
- Boullée, Étienne-Louis | Giacometti, Alberto | Lynn, Greg | Nouvel, Jean
Nondik etorri da altzairu herdoilduzko horma? Eta zerk distiratzen du hormaren sekzio zulatuan? Hurbiltzen zaren heinean, gutxika agertzen eta desagertzen den monolitoa ikusiko duzu. Jean Nouvel arkitekto ospetsuaren jatorrizko erakusketa pabilioiak 36 metroko garaiera zuen. 2002ko Suitzako Erakusketa Nazionalean Murten lakuan flotatzen jarri zuen. Altzairu herdoilduzko horma, kubo monumental baten zati da. Erakusketako espazioaren baitako espazio ontzia ematen du kubo horrek, bere atsedenean. Baina non gara? Monolitoaren barruan? Kanpora begiratzen ari gara? Baina, hala izanez gero, ezin izango genuke monolitoa urrunean ikusi, ezta?
Telekomunikazioen eta hedabide berrien aroan, espazio errealak eta birtualak bateratzea, arkitekturaren lanetariko bat da. Jean Nouvel arkitektoa bera, goi teknologiako joera berriaren aitzindarietakoa dugu.
Baina eskulturan ere izan zen aurrendari bat: gogoratzen al duzue Alberto Giacometti? Haren iloba Silvioren bustoaren miniatura, kubo formako oinarriaren gainean dago. Horrek toki logikoa du Nouvel arkitektoaren dimentsio interakzioaren baitan. Giacomettiren eskulturek beti ematen dute gertukoak eta urrunak, eta errealitatearen eta birtualtasunaren arteko muga lausotzen dute, ordenagailu bidezko animazioaz baliatu behar izan gabe.
Jean Nouvelen monolito angeluarra NOXen BLOB arkitektura biomorfiko eta leunaren parekoa da, bai eta Greg Lynn arkitektoaren lanaren parekoa ere. Horrekin bisitaldia amaitzen da, eta erakusketaren hasieran ikusgai dagoen Étienne Louis Boullée‑ren esfera formako monumentu erraldoiaren oihartzuna iristen zaigu.