ArkiEskultura
[Peter Eisenman: Holokaustoari monumentua; Peter Zumthor: Ikararen topografia]
Zizelkatutako hiria 1960-1970: hiriko utopiak eta mega-eskulturak
Iruzkinak
[Friedrich Kiesler: Amaieragabeko etxea]
- Izenburua:
- [Friedrich Kiesler: Amaieragabeko etxea]
- Erakusketa:
- ArkiEskultura
- Gaiak:
- Arkitektura | Eragin artistikoa | Sorkuntza artistikoa | Bolumena | Forma | Sinbologia | Blob arkitektura
- Mugimendu artistikoak:
- Arte Garaikidea
- Artelan motak:
- Arkitektura
- Aipatutako artistak:
- Brancusi, Constantin | Kiesler, Frederick | Le Corbusier, | Loos, Adolf
Erakusketaren gune honek haitzulo baten itxura du. Ez da kasualitatea hemen erakusgai dagoena Friedrich Kiesler-en Amaieragabeko etxea izeneko etxebizitza proiektu utopikoa izatea. Kiesler Austriako arkitektoa zen, eta Ameriketako Estatu Batuetara emigratu zuen. Diseinu honekin, 1950eko hamarkadan aritu zen lanean. Haren Amaieragabeko etxea modu esplizituan lotuta dago haitzuloari, hots, bizitzeko toki arketipoari.
XX. mendeko arkitektura organikoak lehenagoko hainbat ideia barne hartu ditu, esaterako: Adolf Loos-en eraikinetako gelen antolamendu irekia edo Le Corbusier-ek sortu zituen etxebizitzak, zeinetan espazioek bata bestearekin bat egiten duten. Baina, hemen Brancusi-k zioena ere garatzen da, hau da, arrautza oinarrizko lehen bizileku gisa jotzen duen ideia. Kieslerri dagokionez, arkitektura organiko berriaren zenbait ideien aitzindari izan zen, esate baterako, ordenagailu bidez sortutako blob motako arkitekturarena. Begiratu areto handian den Serraren altzairuzko eskultura, eta alderatu oskol itxurako Kieslerren ereduarekin.