ArkiEskultura
[Friedrich Kiesler: Amaieragabeko etxea]
[Gordon Matta‑Clark: Ebakidura konikoa]
Iruzkinak
Zizelkatutako hiria 1960-1970: hiriko utopiak eta mega-eskulturak
- Izenburua:
- Zizelkatutako hiria 1960-1970: hiriko utopiak eta mega-eskulturak
- Erakusketa:
- ArkiEskultura
- Gaiak:
- Arkitektura | Eragin artistikoa | Sorkuntza artistikoa | Bolumena | Perspektiba | Hirigintza | Etorkizuna | Materialak
- Mugimendu artistikoak:
- Arte Garaikidea | Arte informala
- Artelan motak:
- Arkitektura | Eskultura
- Aipatutako artistak:
- Hollein, Hans | Isozaki, Arata | Kemeny, Zoltan | Navarro, Miquel
Zeintzuk dira eskulturak, eta zeintzuk dira arkitekturako ereduak? Areto honetan, nahiz beste guztietan, zaila da bereiztea. 9. kapituluko izenburuak arrasto bat eskaintzen du. Izenburu hau du: Zizelkatutako hiria 1960-1970: hiriko utopiak eta mega-eskulturak.
Bestalde, Hans Hollein eskultorearen buztinezko eskulturek ez dute eskultura izan nahi. Vienan paldoen gainean bermatzen diren eraikin konplexu handien ereduak dira, sarreraren alboko horman den eskala handiko argazkian ikus daitekeenez. Arata Isozaki japoniar arkitektoak egindako konglomeratu bitxiak etxebizitza multzoak dira, eta hiri flotatzailearen ikuspegi utopikoa eratzen dute. Zoltan Kemeny arkitektoaren metalezko dorre metatuari begiratuz gero, ematen du solairuak eta etxebizitza unitateak bereizi egin ditzakezula. Baina eskultura da, 1950eko eta 1960ko hamarkadetako art informel deritzon estilokoa.
1960ko hamarkadan, Londresko, Milango, Parisko eta Vienako arkitekto gazteak megahiri berriak asmatzen hasi ziren. Haien diseinuak hiri zaharren gainetik altxatu ziren, paldoen gainean; edo barreiatu egin ziren, zelula erako osaketa organiko handietan. Begiratu arretatsuagoa egingo diegu beirazko kutxetan diren objektuei. Honako ideia hau dute: elkarrekin bizitzeko era berriek gizarte berria eta askeagoa sortuko dutela. Ondorioz, eskulturako ideiekin antzekotasun nabarmena erakusten duten hiri egiturak garatu dira.
Zoruko eskultura Miquel Navarro espainiar eskultorearena da. 1990eko hamarkadan sortu zuen, aluminioz eta zinkez egindako ehunka blokerekin. Erabat berria den hiri ikuspegiaren oihartzun argia du. Baina Bilboko hiri paisaiari leihotik begiratzea aski da ikusmena eta errealitatea bat ez datozela adierazten digun inpresio bizia jasotzeko.