ArkiEskultura
[Box eta Blob arkitekturak]
[Jean Nouvel: Suitzako Expo’02ko Monolitoa]
Iruzkinak
[Lars Spuybroek: D-dorrea]
- Izenburua:
- [Lars Spuybroek: D-dorrea]
- Erakusketa:
- ArkiEskultura
- Gaiak:
- Artea eta emozioa | Artea eta teknologia | Arkitektura | Eragin artistikoa | Sormena | Bolumena | Forma | Kolorea | Blob arkitektura | Utopia | Materialak
- Mugimendu artistikoak:
- Arte Garaikidea | Posmodernismoa
- Aipatutako artistak:
- Arp, Hans | Moore, Henry | Spuybroek, Lars
Enpresa baten izena da NOX, eta enpresa hori zuzentzen duen pertsona Lars Spuybroek herbeheretar arkitektoa da. Gaur egun, Spuybroek, edo NOX enpresa, BLOB arkitekturaren aldeztaile nagusietarikoak dira. D‑dorrea izenburuko objektuak estralurtarra dirudi. Hamabi metroko garaiera duen beira zuntzezko egitura interaktiboa da, eta Herbehereetako Doetinchem herrian dago. Ordenagailuz animatutako esfera egin zen, hori sortzeko. Kameleoien gisara, kolorea aldatzen du, herrian nagusi den aldartearen arabera. Berde, gorri, urdin eta hori koloreek maitasuna, zoriona, gorrotoa eta beldurra irudikatzen dituzte, hurrenez hurren. Herriko jendearen artean zortzi pertsona hautatzen dira egunero, euren emozioei buruzko hainbat galderari erantzun diezaioten. Emaitzek ordenagailu bidezko proiekzioaren oinarria osatzen dute.
Elektronikako prozesu berriei esker, gaur egun posible da burbuila formako eraikin aldagarrien ideia utopikoa gauzatzea. Ideia horrek gogora ekartzen dizkigute Hans Arp‑en edo Henry Moore‑en eskultura biomorfikoak. Izan ere, egungo arkitektoen sormenak erakusketa honen oinarria den bigarren tesi nagusiaren muinera garamatza zuzenean. Arkitektura eskulturaren historiari jarraipena ematen ari al zaio orain, beste bide batzuetatik?