Guggenheim Bilbao Museoaren Bildumako maisulanak
Yves Klein, Antropometria urdin handia (ANT 105) [La Grande Anthropométrie bleue (ANT 105)], ca. 1960
Robert Motherwell, Iberia, 1958
Iruzkinak
Antoni Tàpies, Anbrosia (Ambrosia), 1989
- Izenburua:
- Antoni Tàpies, Anbrosia (Ambrosia), 1989
- Erakusketa:
- Guggenheim Bilbao Museoaren Bildumako maisulanak
- Gaiak:
- Gizakia | Artea eta emozioa | Sorkuntza artistikoa | Materiala | Sinbologia | Tamaina | Espiritualtasuna | Introspekzioa
- Mugimendu artistikoak:
- Arte informala
- Artelan motak:
- Grafitia | Pintura
- Aipatutako artistak:
- Tàpies, Antoni
Antoni Tàpies-ek elkarri lotuak dauden bi mihise hauek margotu zituen, diptiko monumental gisara, 1989an. Artelanak horma baten azalera gogorarazten digu, Tàpiesek erabilitako teknikari esker: pigmentua testura emateko substantzia ez-organikoekin nahastu zuen, kasu honetan, marmol-hautsarekin (lurra eta harea ere gehitu ohi zituen). Artistak ustekabean aurkitu zuen horma, eta bere lanaren identitate-ezaugarri bilakatu zen.
“Horma nolabait ustekabean aurkitu nuen irudia da. Pintura-saio batzuen ondoren izan zen; borrokan arin nintzen material plastikoarekin eta hainbeste harramazkaz betetzen ari nintzen, bat-batean, ezen koadroa aldatu egin zen; jauzi kualitatiboa eman zuen eta azalera bare eta lasai bilakatu zen. Horma bat margotu nuela ohartu nintzen, eta nire abizenarekin lotura zuen”. [Tàpiesen esana]
Artelanaren azalera zurixkan, latzean eta arrailtsuan grafitiak daude eta artelanean zeregin garrantzitsua dute; funtzio ikonografikoa eta alegorikoa dute, artistaren barneko mundua aditzera ematen dute: introspekzio-ariketa bat dira, eta, besteak beste heriotza eta bizitza, bakardadea, gizakiaren isolamendua eta sexualitatea dituzte gai. Ahalmen oroitarazle handiko zeinuen bidez adierazi zuen artistak hori guztia, sarritan arteen eta sinboloen tradizioa oinarri.
“Berrogeita hamar urtez, gurutzeak nire lanean funtsezkoak direla azpimarratu dut; gurutzea, gainera, nire abizenaren inizialtzat eta nire lanaren ikurtzat hartu dut”. [Tàpiesen esana]
Baliabide eta teknika arruntak eta oinarrizkoak erabiliz irudikatuak daude sinbolo horiek. Gauzen jatorriaz hitz egiten digute. Artelanaren izenburuak erreferentzia egiten dio ustez jainko greziarrak hilezkor egiten zituen nektar ospetsuari. Izan ere, behatzaileari artearen botere espirituala eta onuragarria transmititzen saiatzen zen Tàpies.
Asmo hori Tàpiesen lanaren oinarrian dago: gauzarik umilenak eta arruntenak eraldaketa sorrarazteko ahalmena dutela uste zuen. Europan Arte Informal gisa ezagutu zenarekin bat egiten zuten beste artista batzuekin partekatzen zuen ideia hori.