Guggenheim Bilbao Museoaren Bildumako maisulanak
Jorge Oteiza, Irekiera handia duen kutxa hutsa (Caja vacía con gran apertura), 1958, eta Bi triedroen elkartzeak sortutako kutxa metafisikoa. Leonardori omenaldia (Caja metafísica por conjunción de dos triedros. Homenaje a Leonardo), 1958
Anselm Kiefer. Berenize (Berenice), 1989 eta Ekiloreak (Tournesols), 1996
Iruzkinak
Anselm Kiefer, Bi ibaien lurra (Zweistromland), 1995, eta Gau-ordena ospetsuak (Die berühmten Orden der Nacht), 1997
- Izenburua:
- Anselm Kiefer, Bi ibaien lurra (Zweistromland), 1995, eta Gau-ordena ospetsuak (Die berühmten Orden der Nacht), 1997
- Erakusketa:
- Guggenheim Bilbao Museoaren Bildumako maisulanak
- Gaiak:
- Gizakia | Artea eta historia | Artea eta politika | Eragin artistikoa | Sorkuntza artistikoa | Materiala | Espiritualtasuna | Bigarren Mundu Gerra | Alemania | Traszendentzia | Suntsipena
- Artelan motak:
- Pintura
- Aipatutako artistak:
- Kiefer, Anselm
Haurra zela, Bigarren Mundu Gerraren osteko ondorioen eta Alemaniaren banaketaren lekuko izan zen Anselm Kiefer. Gaztaroan, garaitutako eta zatitutako herri bat nola berreraikitzen zen ikusi zuen, bai eta haren herrikideek moralki zein ideologikoki indarberritzeko nola borrokatzen zuten ere.
Baina Kieferrek ez zuen soilik pasiboki egoera horri begiratu. Gogoeta sakona egin zuen alemaniar historiako eta mitologiako elementu batzuk nola gainjartzen ziren jakiteko eta horrek nazismoaren gorakadan zer eragin izan zuen aztertzeko. Haren azterketa ez zen inpartziala eta antzua izan: aitzitik, barne-hausnarketa zintzoa izan zen, eta horrek tabu moralak eta estetikoak apurtzea ekarri zuen ezinbestean.
Hemen erakusgai ditugun lanak egilea gehien arduratzen zuten gaiei buruzkoak dira: historiaren izaera ziklikoari, zibilizazioari, abertzaletasunari eta espiritualtasunarekin, mitologiarekin eta erlijioarekin lotutako gai transzendentalei buruzkoak, alegia.
Bi ibaien lurra (Zweistromland) lanak Tigris eta Eufrates ibaien arteko eskualdeari egiten dio erreferentzia; antzinako zibilizazio babiloniarraren sehaska izan zen hori, eta berebiziko garrantzia izan zuen judu-kristautasunerako. Kieferren margolanek gogorarazten digute eskualdeak garrantzi handia izan zuela, bertan asmatu baitzen idazketa, eta bertan sortu baitzen lehen aldiz zibilizazioa. Lan honetan, alkimista baten eginkizuna du artistak; elektrolisia erabiltzen du beruna eta zinka eraldatzeko eta beste bizi bat emateko. Suntsipena eta erreakzioa garrantzitsuak dira lan honetan.
1990eko hamarkadan, haren lanetan giza irudiak berriz sartzen hasi zen Kiefer. Gau-ordena ospetsuak (Die berühmten Orden der Nacht) lanean bere burua erretratatzen du pertsona bakarti gisa, zoru lehorrean eta pitzatuan etzanda, izarren oihal itzelaren azpian. Elkartasun antzeko bat da, izar-bainu birsortzaile moduko bat, eta gehien erabiltzen dituen gaietako birekin lotzen du zuzenean artista: lurrarekin eta zeruarekin, hain zuzen ere.