Guggenheim Bilbao Museoaren Bildumako maisulanak
Antoni Tàpies, Anbrosia (Ambrosia), 1989
Clyfford Still, Titulurik gabea, 1964
Iruzkinak
Robert Motherwell, Iberia, 1958
- Izenburua:
- Robert Motherwell, Iberia, 1958
- Erakusketa:
- Guggenheim Bilbao Museoaren Bildumako maisulanak
- Gaiak:
- Artea eta historia | Artea eta politika | Artea eta emozioa | Eragin artistikoa | Sorkuntza artistikoa | Kolorea | New Yorkeko Eskola | Gerra Zibila (Espainia)
- Mugimendu artistikoak:
- Arte Abstraktua | Espresionismo Abstraktua
- Artelan motak:
- Pintura
- Aipatutako artistak:
- De Kooning, Willem | Motherwell, Robert | Rothko, Mark
Motherwell New Yorkeko Eskola izenez ezagutzen denaren kideetako bat izan zen; hainbat artista ziren eskolako kide, besteak beste, Jackson Pollok, Mark Rothko eta Willem de Kooning.
Taldekide gazteenetakoa bazen ere, komunikatzeko gaitasun handia eta prestakuntza estetiko eta teoriko sendoa zuenez, espresionismo abstraktuaren oinarri irmoetako bat bihurtu zen. Inguruko artista newyorktarren bozeramaile eraginkorrenetako bat ere izan zen haren askotariko idazlanen bidez.
Filosofo eta artearen historialari trebakuntzari esker, ondo ulertu zuen abstrakzioak zer leku zuen mendebaldeko artearen historian, baita lehenaldiarekin lotura zuela ere.
“Edozein pintore adimentsuk pintura modernoaren kultura buruan darama. Bere benetako gaia da; margotzen duen guztia omenaldia eta kritika da, eta dioen guztia glosa bat da”. [Motherwellen esana]
Motherwell-ek, lehenaldia ahaztu gabe, artistak mihisearekin duen konpromiso mentala eta fisikoa agerian utzi nahi zuen. Horretarako, pintura beltzaz eta haren gogortasunaz baliatzen zen: lanen oinarrizko elementu zuen. Muturreraino diluitzen zuen pintura, itzal eta lausodura zabalen, sendoen eta sakonen efektua lortu nahian.
Espainiako Gerra Zibilak ezaba ezineko aztarna utzi zuen Motherwellengan eta, 1948tik aurrera gai horri eskaini zion sail bat, beharbada bere sail ezagunena: Espainiako Errepublikari elegiak (Elegies to the Spanish Republic). Elegiak ez ziren Motherwellen Espainiari buruzko erreferentzia bakarrak. Gai horretako askotariko lanen artean, 1958ko Iberia saila da nabarmentzekoa. Artelan hau serie horren parte da.
Seriea Espainiara 1958an eginiko lehenengo bisitan hasi zuen, eta erregimen frankistaren hondamenak nola antzeman zituen islatzen da. Bere esperientziak Espainia beltza ikusarazi zion, itzaltsua. Serie horretako artelan honetan, belztasun hori itzalen, pintzelkaden eta lausoduren korapilo konplexua da, non itxaropen-zantzu bakarra artelan ikaragarri honen ezkerreko beheko aldeko irekidura txiki batean baino ezin den antzeman.