Guggenheim Bilbao Museoaren Bildumako maisulanak
Mark Rothko, Titulurik gabea, 1952–53
Iruzkinak
Sarrera
- Izenburua:
- Sarrera
- Erakusketa:
- Guggenheim Bilbao Museoaren Bildumako maisulanak
- Gaiak:
- Sorkuntza artistikoa | Erakusketak | Paisaia | Bigarren Mundu Gerra | AEB | Europa
- Mugimendu artistikoak:
- Arte Figuratiboa | Arte Garaikidea | Arte Kontzeptuala | Errealismo kapitalista | Minimalismoa | Neoespresionismoa | Pop Artea | Transabangoardia
- Artelan motak:
- Eskultura | Pintura
- Aipatutako artistak:
- Barceló, Miquel | Baselitz, Georg | Basquiat, Jean-Michel | Chillida Juantegui, Eduardo | Clemente, Francesco | Cucchi, Enzo | Kiefer, Anselm | Klein, Yves | Oteiza, Jorge | Polke, Sigmar | Rauschenberg, Robert | Richter, Gerhard | Rothko, Mark | Schnabel, Julian | Still, Clyfford | Twombly, Cy | Warhol, Andy
Ongi etorri Guggenheim Bilbao Museora, Guggenheim Bilbao Bildumako maisulanak erakusketara. Hautaketa hau Museoaren bildumako ehunka artelanetatik aukeratu da, eta lanik esanguratsuenak erakustea du helburu du.
Ibilbidea 1950 eta 1960 artean egindako artelanekin hasiko dugu. Europako eta Ameriketako Estatu Batuetako artistenak dira, Bigarren Mundu Gerraren ondoko garrantzi handiko mugimenduen parte izan zirenenak. Besteak beste, Mark Rothko-ren, Clyfford Still-en eta Yves Klein-en artelanez gozatuko dugu atal horretan.
Euskal artisten lanak ere ikusi ahalko ditugu: gune bat bereziki eskaini zaie Jorge Oteiza eta Eduardo Chillida eskultoreei, beren lana dagokien nazioarteko testuinguruan kokatzeko. Biek osatzen dute museoaren bildumako ardatzik garrantzitsuenetako bat.
Beste espazio batean, Gerhard Richter eta Anselm Kiefer artista alemaniarren lanak daude, zehazki, paisaiak. Alemaniako Bigarren Mundu Gerra ondoko artea erakusten dute. Europako arte-tradizioa errespetatzen dute neurri batean, baina, halaber, hura zalantzan jartzen dute. Gainera, lan horiek garai hartan AEBtik heltzen ziren proposamenen oso bestelakoak dira.
Ondoren, 1960ko hamarkadako arte-proposamenak ikusiko ditugu, besteren artean: Andy Warhol-en pop artea, Robert Rauschenberg-en eta Cy Twombly-ren lengoaia bereziak eta Sigmar Polke-ren errealismo kapitalista.
Bisita amaitzeko, 1980ko hamarkadatik egingo dugu ibilbidea, arte minimalaren eta kontzeptualaren ondoren figurazioa eta adierazkortasuna berreskuratu zuten artelanen bidez. Transabangoardiako eta neoespresionismoko artista ezagunen artelanak dira, besteak beste, hauenak: Francesco Clemente, Enzo Cucchi, Anselm Kiefer, Georg Baselitz, Miquel Barceló eta Atlantikoko bestaldeko Jean Michel Basquiat eta Julian Schnabel.
1997tik egun arte garatzen joan den bildumaren garrantzia erakusten du arte garaikidearen maisulanen hautaketa honek, Museoaren eraikineko lehenengo solairuko eta kanpoko artelanekin batera.
Ez ukitu, mesedez, ikusgai dauden artelanak. Horrez gain, gogorarazi nahi dizugu erakusketa-aretoetan ezin dela bideorik grabatu, ez eta argazkirik atera ere.