Kaosa eta Klasizismoa: artea Frantzian, Italian, Alemanian eta Espainian, 1918–1936
Sarrera
Otto Dix: Transplantea (Transplantation), 1924
Iruzkinak
Otto Dix: Gerra (Der Krieg), 1924
- Izenburua:
- Otto Dix: Gerra (Der Krieg), 1924
- Erakusketa:
- Kaosa eta Klasizismoa: artea Frantzian, Italian, Alemanian eta Espainian, 1918–1936
- Gaiak:
- Heriotza | Artea eta historia | Eragin artistikoa | Sinbologia | Gerra | Lehen Mundu Gerra | Alemania | Emozioa | Beldurra
- Mugimendu artistikoak:
- Objektibotasun Berria
- Teknikak:
- Grabatua
- Artelan motak:
- Grabatua
- Aipatutako artistak:
- Dix, Otto
Irudi hauek Otto Dix artista alemanaren 50 grabatuz osatutako sail batekoak dira. Lehen Mundu Gerran hark bizitako izugarrikerien ondorioz sortu zituen; izan ere, Mendebaldeko Frontean soldadu metrailadore izan zenez, gerrako borrokaldi odoltsuenen lekuko izan zen. Horrez gain, Francisco de Goya artista espainiarrak sortutako grabatu-sail batean oinarritu zen.
Goyaren sail hori Gerraren hondamendia izan zen; horretan Napoleonen inbasioak eta Espainiako Independentzia Gerrak ekarritako suntsipena irudikatu zituen Goyak. Hark aurretik egin zuen bezala, Dixek irudi sekuentzia bat eta hainbat grabatu teknika erabili zituen obrak ikusleari zirrara eragin ziezaion. Xehetasun askoko amesgaiztoko grabatu izugarri hauek gerraren kritika zorrotza adierazten digute, baina nabari daiteke artistak halako gozamen okerra sentitu zuela hauek irudikatzean. Izan ere, gerrak izugarrizko eragina izan zuen Dixengan: izutu eta liluratu egin zuela esan daiteke. Honela zioen berak:
Oso errealista naiz; horrenbestez gauza guztiak nik neuk, nire begien bidez, ikusi behar izaten ditudala […] Nire kasa esperimentatu behar izaten ditut bizitzako sakontasun ilunenak.