Kaosa eta Klasizismoa: artea Frantzian, Italian, Alemanian eta Espainian, 1918–1936
Otto Dix: Gerra (Der Krieg), 1924
Iruzkinak
Sarrera
- Izenburua:
- Sarrera
- Erakusketa:
- Kaosa eta Klasizismoa: artea Frantzian, Italian, Alemanian eta Espainian, 1918–1936
- Gaiak:
- Artea eta historia | Artea eta politika | Eragin artistikoa | Estetika | Lehen Mundu Gerra | Alemania | Espainia | Frantzia | Italia
- Mugimendu artistikoak:
- Novecento | | Purismoa
- Aipatutako artistak:
- Arteta Errasti, Aurelio | de Chirico, Giorgio | Dix, Otto | Maillol, Aristide | Mies van der Rohe, Ludwig | Vionnet, Madeleine
Ongi etorri Guggenheim Bilbao Museora. Gure erakusketa honek, Kaosa eta klasizismoa: artea Frantzian, Italian, Alemanian eta Espainian, 1918–1936 izenekoak, gerra arteko garaiko Europako artea aztertzen du. Trauma handiko, baina itxaropenez betetako garai hartan, ordena berri eta suspergarri bat ezartzeko eta edertasun klasikora itzultzeko premia zegoen Europan, Lehen Mundu Gerrak eragindako kaosa eta hondamendia gainditzeko.
Artistak gerra aurreko nolanahiko berriztapenetik eta esperimentaziotik aldendu ziren: Frantzian, Kubismoa utzi eta antzinateko irudiak kutsu poetiko eta onirikoaz lantzen hasi ziren; Italian, Benito Mussolini-ren agintaldiaren pean, Futurismoa baztertu eta Erromatar Inperioa berreskuratu zen eta haren estetika jorratzeari ekin zioten; Alemanian, Espresionismoari uko egin zioten Objektibotasun Berriaren alde eta nazien erregimena ezarri zenean kutsu goibel eta gaiztoa hartu zuen klasizismoa berreskuratzeak.
Lehenengo Mundu Gerran zehar Espainia herrialde neutrala izan bazen ere, eragin egin zion gerrak ekarritako izugarrizko aldaketa politikoak: 1931n behera egin zuen monarkiak, eta bost urte geroago Gerra Zibila piztu zen.
Baliabide artistiko anitzak jasotzen dituen erakusketa honetan pinturak, eskulturak, arkitektura-maketak, dekorazio-arteetako objektuak, filmak eta argazkiak ikusteko aukera izango duzu, eta artelan horien guztien bidez aldaketa handiko aldi hartan Europako artean eta pentsamenduan nagusi ziren gaiak jakingo dituzu.
Entzuteko gida honek hainbat artistaren lanak azalduko dizkizu, horien artean: Otto Dix, Aristide Maillol, Madeleine Vionnet, Ludwig Mies van der Rohe, Giorgio de Chirico eta Aurelio Arteta.
Kaosa eta klasizismoa: artea Frantzian, Italian, Alemanian eta Espainian, 1918–1936 erakusketak BBVA Fundazioaren babesa izan du.