Kaosa eta Klasizismoa: artea Frantzian, Italian, Alemanian eta Espainian, 1918–1936
Klasizismoaren alde iluna
Mario Sironi: Soldadua (Soldato), 1935–36
Iruzkinak
Adolf Ziegler: Lau elementuak: sua, ura eta lurra, airea (Die Vier Elemente. Feuer, Erde und Wasser, Luft), 1937 baino lehen
- Izenburua:
- Adolf Ziegler: Lau elementuak: sua, ura eta lurra, airea (Die Vier Elemente. Feuer, Erde und Wasser, Luft), 1937 baino lehen
- Erakusketa:
- Kaosa eta Klasizismoa: artea Frantzian, Italian, Alemanian eta Espainian, 1918–1936
- Gaiak:
- Emakumea artean | Mitologia | Arte klasikoa | Sinbologia | Biluzia | Nazismoa | Alemania
- Mugimendu artistikoak:
- Neoklasizismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Ziegler, Adolf
Adolph Ziegler-en pintura alegorikoak lotu egiten ditu garaiko Alemaniako Hitlerren Hirugarren Reicha eta antzinako Greziako eta Erromako lehenaldi heroikoaren artea. Larru-kolore zuriko lau biluzietako bakoitzak elementu bat adierazten du: Suak garretan dagoen argi-zuzi bati heltzen dio; Urak ontzi bati; Lurrak ale-zutoinak daramatza bularrean erantsita eta Airearen irudian ilea haizeak astintzen du, XIX. mendeko Alemaniako pintura erromantikoa gogora ekartzen duen modu batean, gainera. Emakumeen gorputz osasuntsu eta atletikoak estilo fotonaturalistari jarraiki irudikatuta daude; benetakoak eta, aldi berean, idealizatuak dirudite.
Zieglerren triptikoa 1937ko Alemaniako Arte Erakusketa Handia izenekoan sartu zuten naziek. Hitlerrek zioenez, artearen zeregina zen arrazari begira puruak ziren gizakien eredu izatea : ‘Jainkoak sortutako izakiak irudikatu beharko lituzkete artistek, ez ordea gizakiaren eta tximinoaren arteko hibridoak’.
Koadro honek, Hitlerren ustez goi mailako arteak izan beharko lituzkeen ezaugarri guztiak biltzen ditu: errealista, idealizatzailea eta klasikoa. Izan ere, koadro hau izugarri gustatu zitzaionez, erosi eta beheko suaren gainean kokatu zuen Munichen zuen bulegoan.