Kaosa eta Klasizismoa: artea Frantzian, Italian, Alemanian eta Espainian, 1918–1936
Edward Steichen: Isadora Duncan Partenoiaren atarian (Isadora Duncan at the Portal of the Parthenon), 1920
Gorputz klasikoak. Gizatasun berria
Iruzkinak
Carlo Carrà: Loten alabak (Le figlie di Loth), 1919
- Izenburua:
- Carlo Carrà: Loten alabak (Le figlie di Loth), 1919
- Erakusketa:
- Kaosa eta Klasizismoa: artea Frantzian, Italian, Alemanian eta Espainian, 1918–1936
- Gaiak:
- Eragin artistikoa | Perspektiba | Sinbolismo erijiosoa | Lehen Mundu Gerra | Nazionalismoa | Italia
- Mugimendu artistikoak:
- Neoklasizismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Carrà, Carlo
Lehen Mundu Gerrak piztu egin zuen Carlo Carrà artista italiarraren sen nazionalista, eta, ondorioz, bere sustrai artistikoak berreskuratzeari ekin zion. Futurismotik aldendu zen, ospetsu bihurtu zuen mugimendutik, alegia, eta gero eta interes handiagoa erakutsi zuen Italiako antzinako artean.
Pintura honetan Carràren lanen bilakaera ikusi ahal izango duzu: irudi zurrunek, zutabeak diruditenek, eta perspektiba basikoak Italiako XIV. eta XV. mendeetako pintura gogoratzen digute; irudien eskalak eta haien begi irtenek, aldiz, eskultura klasikoa. Hautatutako gaiak, Itun Zaharreko Loten pasadizoak, gerraostean oihartzuna izan zuen, berreraikuntza aldia izan zen eta: Sodoma eta Gomorraren suntsipena ondoren, Loten alabek uste osoa zuten aita eta eurak zirela bizirik irten ziren bakarrak eta, ondorioz, mundua berriro jendeztatu nahian, seduzitu egin zuten aita. Lot ez da ageri Carràren koadro honetan, intzestuaren gaia baztertu zuen beraz; are gehiago, bi irudiak Ama Birjinaren Deikundearen koadroetan ohi den bezala daude kokatuta, eta txakurra leialtasunaren sinbolo gisa ageri da.