Kaosa eta Klasizismoa: artea Frantzian, Italian, Alemanian eta Espainian, 1918–1936
Abangoardia iraganari begira
Edward Steichen: Isadora Duncan Partenoiaren atarian (Isadora Duncan at the Portal of the Parthenon), 1920
Iruzkinak
Fernand Léger: Emakumea loreontzi bati eusten (behin betiko egoera) [Femme tenant un vase (état définitif)], 1927
- Izenburua:
- Fernand Léger: Emakumea loreontzi bati eusten (behin betiko egoera) [Femme tenant un vase (état définitif)], 1927
- Erakusketa:
- Kaosa eta Klasizismoa: artea Frantzian, Italian, Alemanian eta Espainian, 1918–1936
- Gaiak:
- Emakumea artean | Eragin artistikoa | Forma | Kolorea | De Stijl | Estetika | Lehen Mundu Gerra | Frantzia | Piet Mondrian
- Mugimendu artistikoak:
- Purismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Le Corbusier, | Léger, Fernand | Ozenfant, Amedée
Loreontzi bat eskuartean duen emakume baten pintura monumental hau Fernand Léger artista frantsesarena da. Oso forma zilindriko zehaztuak eta gainazal distiratsuak erabili zituen, Lehen Mundu Gerran Frantziako armadan izan zen aldiaren emaitza. Picassoren eta Braque-ren pintura neoklasikoetako emakumeak antzinatekoak diren bitartean, Léger-en emakumea zeharo modernoa da. Izan ere, makina industrialen formak erabili zituen irudi klasiko bat aurkezteko.
Artez dago eta daraman gonak zutabe ildaskatu bat ematen du, bular bete biribilak ditu —kanoi balen modukoak— eta ile-adats ederra —metala bezain distiratsua—; besoetan, haur bati bezala heltzen dio tximinia itxurako loreontziari. Artistak kolore biziak eta zuri-beltza erabili ditu, Piet Mondrian artista holandarraren eta De Stijl estiloko koadroen paleta hainbeste gogorarazten digutenak. Pintura hau modernoa izan arren, argitasunaren, harmoniaren eta formekiko arretaren ideal klasikoak betetzen ditu: modernotasunaren eta antzinatearen arteko loturaz ohartu zela erakusten digu Léger-ek. Haren lagun purista Amédée Ozenfant-ek eta Le Corbusier-ek bezalaxe, haren ustez, estetika klasikoa berpiztea gerraostean gizartean harmonia berreskuratzeko baliagarri izango zen.