Paris: arteen hiriburua, 1900-1968
Pablo Picasso, Olga-ren erretratua (1923)
Fernand Léger, Konposizioa esku eta kapeluekin (1927)
Iruzkinak
Piet Mondrian, Konposizioa marra bikoitz eta urdinarekin (1935)
- Izenburua:
- Piet Mondrian, Konposizioa marra bikoitz eta urdinarekin (1935)
- Erakusketa:
- Paris: arteen hiriburua, 1900-1968
- Gaiak:
- Generoa eta sexualitatea | Eragin artistikoa | Sorkuntza artistikoa | Geometria | Kolorea | Abstraction-Création taldea | Amazonak taldea | Paris
- Mugimendu artistikoak:
- Arte Abstraktua | Kubismoa
- Artelan motak:
- Pintura
- Aipatutako artistak:
- Mondrian, Piet | Moss, Marlow | Picasso, Pablo
Margolan hau 1935ean egin zuen Piet Mondrian izeneko Herbehereetako artistak. Bera izan zen arte abstraktuko artista garrantzitsuenetako bat.
Mondrian 1919an joan zen Parisera. Picasso-ren kubismoan inspiratu zen. Hala ere, Picassok atzera egin eta alde batera utzi zuen erabateko abstrakzioa; eta Mondrianek, berriz, irudikapen guztiak baztertu zituen bere margolanetatik. Mondrianen konposizioa gero eta sinpleagoa bilakatuz joan zen, harik eta hemen ikusten duzuen formara murriztu zen arte: hondo zuria, lerro beltzekin eta koloretako laukiekin. Horretarako, gorria, urdina eta horia bakarrik erabili ditu, oinarrizko koloreak.
Mondrian Abstrakzioa‑sormena taldea izeneko mugimenduari lotua zegoen. Mugimendu horrek mundu osoko artistak erakarri zituen. Erakusketa honetan, talde horretako beste kide batzuen lan koloretsuak ere ikusi ahal izango dituzue. Erakusketako hautaketan Mondrianen bi lan ditugu. Hala ere, argi dago Parisen jarraitzaile asko zuela. Bada lan bat, bereziki, Mondrianena ematen duena. Marlow Moss margolari ingelesarena da. Amazonak izeneko talde bateko kidea zen Moss. Lesbiana intelektualen taldea zen, eta 1930eko hamarkadako Parisera erakarritako artistek eta idazleek osatzen zuten. Marlow Moss izena anbiguoa zen, nahita. Horrela, bazitekeen erosleek gizonezko artista baten lana erosten ari zirela pentsatzea.