Paris: arteen hiriburua, 1900-1968
Roberto Matta, Accidentalité (1947)
Germaine Richier, Saguzarra (1946)
Iruzkinak
Nicolas de Staël, Printzeen parkea (Futbolari handiak) (1952)
- Izenburua:
- Nicolas de Staël, Printzeen parkea (Futbolari handiak) (1952)
- Erakusketa:
- Paris: arteen hiriburua, 1900-1968
- Gaiak:
- Artea eta kirola | Sorkuntza artistikoa | Kolorea | Mugimendua | Testura
- Mugimendu artistikoak:
- Arte Abstraktua
- Artelan motak:
- Pintura
- Aipatutako artistak:
- de Staël, Nicolas
Margolan handi eta eder hau Nicolas de Staël artista errusiarrarena da, 1952koa. Printzeen parkea (Futbolari handiak) du izenburu. Parc des Princes estadioan de Staëlek gauez ikusi zuen futbol-partida bati buruzkoa da. De Staël harrituta utzi zuen partidu hartako kolore abstraktuen ikuskizunak. Argi artifizialek kolore berde bizia ematen zioten belarrari. Gaua beltza zen. Jokalarien elastikoetako marrak mugitzen ziren koloreak ziren.
Margolan honek erreakzio gogorrak eragin zituen jendaurrean erakutsi zenean. De Staël Parisen oso ezaguna zen, margolari abstraktu gisa. Gainerako artista abstraktuak, lan horren izenburua ikustean, haserretu egin ziren. Futbolari buruzko eszena bat margotzea abstrakzioaren printzipioen aurkakoa zela uste zuten. Izan ere, artistak ez zuen ezagutzen errazak ziren eszena edota objekturik irudikatu behar.
Hala ere, ikusten duguna benetako lan abstraktua da: kolore bizi eta ugariak, espatularekin geruza lodietan emana. Halako mugimendu dinamikoa irudikatzen dute kolore bloke inklinatuek. De Staëlek futbol-partidan izandako esperientziaren isla adierazten dute. Nolabait ere, 1950eko hamarkadako historiaren pintura da. Garai hartan, abstrakzioaren hizkera berriaren bidez adierazten zen narratiba.