Jasper Johns-etik Jeff Koons-era: Broad Bildumen artearen lau hamarkada
Andy Warhol, Aulki elektriko handia, 1967
Andreas Gursky, Hong Kongeko Burtsa II, 1995
Iruzkinak
Bernd eta Hilla Becher, Ur-biltegien tipologia, 1972
- Izenburua:
- Bernd eta Hilla Becher, Ur-biltegien tipologia, 1972
- Erakusketa:
- Jasper Johns-etik Jeff Koons-era: Broad Bildumen artearen lau hamarkada
- Gaiak:
- Artea eta industria | Eragin artistikoa | Sorkuntza artistikoa | Düsseldorfeko Eskola | Alemania
- Artelan motak:
- Argazkia
- Aipatutako artistak:
- Becher, Bernd | Becher, Hilla
1950eko hamarkadaren amaieran, Alemaniako Bernd eta Hilla Becher senar‑emazteak argazkilaritzaren ikuspuntu berezi eta dokumentuzkoa garatzen hasi ziren. Europan eta Iparramerikan zehar bidaiatzen hasi ziren, eta zuri‑beltzeko argazkiak egin zizkioten industria-arkitekturari. Honako serie honetan, ur-biltegiak dira gaia. Argazki-multzo bakoitzean, artistak biltegien oinarrizko diseinu batean oinarritu dira, eta diseinu horren bederatzi aldakuntza aurkitu zituzten. Diseinuak funtzioaren araberakoak dira. Baina liluragarria da, muga horien barruan, zenbat estilo ezberdintasun egon daitekeen ikustea. Biltegi batzuek meskitak dirudite, tipula-itxurako kupulekin. Beste batzuek zutabeak dituzte, antzinako tenplu grekoen antzera. Beste batzuek Erdi Aroko gazteluetako dorre biribil eta mozkoteen itxura dute. Ia‑ia, almenak ikus daitezke.
Biltegiak irudikatzeko modu oso antzekoa aukeratuz haien arteko ezberdintasunak nabarmentzen dira. Argazki guztiak angelu beretik hartuak dira, antzeko argitasunarekin. Eta irudi guztiak tamaina berekoak dira.
Becher senar‑emazteek, “eskultura anonimo”tzat jo dituzte beren argazkietako gaiak. Eta 1990ean, Veneziako Biennale ekitaldian saria jaso zuten Becher senar‑emazteek. Saria eskulturakoa izan zen, ez argazkilaritzakoa. Hain zuzen, lehendik zeuden muga estetikoak gainditu zituen arte-eredua sortzeagatiko saria.
Senar‑emazteen lanari esker, artista gehiago hasi zen argazkiak erabiltzen. Horietako askok, dokumentatzeko erabiltzen zituzten, nahiz eta modu ezberdinean egin. Bechertarren lanak argitaratu ostean zabaldu zen haien eragina. Alemanez, ingelesez eta frantsesez atera zuten lana. Bestalde, Düsseldorf‑eko akademian irakasle zirenez, inspirazio garrantzitsua eta pertsonalagoa ematen zieten ikasleei.