Jasper Johns-etik Jeff Koons-era: Broad Bildumen artearen lau hamarkada
John Baldessari, Artistentzako aholkuak, 1967 eta 1968 bitarte
Jean-Michel Basquiat, Titulurik gabea (Burezurra), 1981
Iruzkinak
John Baldessari, Zuri-beltzezko erabakia, 1984
- Izenburua:
- John Baldessari, Zuri-beltzezko erabakia, 1984
- Erakusketa:
- Jasper Johns-etik Jeff Koons-era: Broad Bildumen artearen lau hamarkada
- Gaiak:
- Artea eta emozioa | Artea. Teoria | Eragin artistikoa | Sorkuntza artistikoa | Zinema
- Artelan motak:
- Argazkia
- Aipatutako artistak:
- Baldessari, John | Bleckner, Ross | Fischl, Eric | Salle, David
Hemen, Baldessari-k zuri‑beltzeko film zaharretatik ateratako fotogramak darabiltza. Hortixe datorkio izenburua: Zuri-beltzezko erabakia. Erabaki hori hartzean, Baldessarik iraganeko filmegintzari buruzko nolabaiteko nostalgia erakusten du. 1970.eko amaieratik hasi eta 1980.eko hamarkada osoan, lan hau egin zenean, aldaketa handia gertatu zen filmegintzan. Star Wars belaunaldiaren hasiera zen: film itzelak, aurrekontu handikoak, sekula entzun gabeko dirutzak biltzen zituztenak. Zinema ikuskizun bilakatu zen. Baina oraindik ere artea al zen? Baldessarik auzi hori ateratzen du hemen, zinemako irudiak ikusizko beste arte-modu bat sortzeko erabiliz.
Lana, orobat, irudiak hautatzean eta markoztatzean artistak duen rolari buruzkoa da; eta erakusten du nola, irudiak testuingurutik atera eta modu berri batean aurkeztuta, artistak guk haiei buruz nola dugun pentsamoldea alda dezakeela.
Baldessarik berak argazkien eta film fotogramen bilduma pertsonal handia du, bere karrera luzean zehar bilduta. Bere karreran, argazkia eta testua erabiltzeko duen era bereizgarriak hainbat artista belaunaldiri eragin die. Zuzenago, artearen etorkizuna taxutu du, Kaliforniako Arte-Institutuan luzaroan irakasle izanda. Izan ere, erakusketa honetan lanak ikusgai dituzten artistetariko batzuk izan zituen ikasle: Eric Fischl, David Salle eta Ross Bleckner.