Espresionismo Abstraktua
Mark Rothko: Titulurik gabea (Beltza grisaren gainean) [Untitled (Black on gray)], 1969/1970
Robert Motherwell: Espainiako Errepublikari elegiak 126. Zk. (Elegy to the spanish Republic No. 126), 1965–75
Iruzkinak
Jackson Pollock: Horma irudia (Mural), 1943
- Izenburua:
- Jackson Pollock: Horma irudia (Mural), 1943
- Erakusketa:
- Espresionismo Abstraktua
- Mugimendu artistikoak:
- Arte Abstraktua | Espresionismo Abstraktua
- Teknikak:
- Dripping | Ekintza-pintura
- Artelan motak:
- Pintura
- Aipatutako artistak:
- Pollock, Jackson
Jackson Pollocken estilo-garapeneko obra garrantzitsuenetako bat da hau. Sei metrotik gorako zabalerarekin, artistak neurri horretako mihise bat izan zuen aurrez aurre lehen aldiz. Pinturaren mugak berrezarriz ekin zion erronkari, eta mural bat egiteko helburua zuen mihise eramangarri bat osatu zuen.
Izan ere, obrak bete behar zuen espazioak zehaztu zuen haren neurria: Peggy Guggenheimek New Yorken zuen etxeko atartea bezainbestekoa. Howar Putzel arte-aholkulari eta bildumagilearen idazkaria izan zen tamaina handiko obra egiteko ideia iradoki zuena, Pollocken ibilbidearen garapenari bultzada emateko; Pollockek ordura arte formatu txikiagoekin egin zuen lan.
Mihisea estaltzen duten forma eta koloreen eztanda da proposamen horren emaitza. Espiral bilakatzen diren lerro makurrek ordenatzen da itxurazko kaosa: obra osoan zehar ageri dira, eta erritmoak sortzen dituzte. Koloreen errepikapenak ere sortzen du erritmo sentsazio hori; gehien gailentzen dena trazurik lodienetako kolore beltza da, kolore urdinarekin batera. Gorri eta hori biziek trazu horiek nabarmentzen dituzte ukitu arinekin, eta bitartean, arrosa kolorea mihisearen beste gune batzuetan agertzen da, pintzelkada osagarri gisa. Dinamismo eta abiadura sentsazioa nabaria da. Eta, nahiz eta obra abstraktua izan, artistak berak emozio zehatza adierazteko nahia zeukala onartu zuen, naturarekin lotutakoa.
AEBko Mendebaldeko animalia guztien ihesaldia zen, behiak eta zaldiak eta antilopeak eta bufaloak. Guztiak egiten zion eraso eremu madarikatu horri.
Bortizkeria hori transmititzeko, Pollockek keinuzko pintzelkada oso azkarrak erabili zituen. Bere laneko ibilbideko garai hartan, artistak oraindik ez zuen garatu ospetsu bihurtuko zuen dripping edo tantak isurtzeko teknika, Ekintza-pinturaren barruan besteengandik bereziko zuena. Teknika hori baliatzen zuenean, margoa erortzen utzi eta mihisea pintzelarekin zipriztintzen zuen, hura oihalean ezarri gabe.