Espresionismo Abstraktua
Clyfford Still: Ph-1123, 1954
Willem De Kooning, Villa Borghese, 1960
Iruzkinak
Clyfford Still: Titulurik gabea, 1964
- Izenburua:
- Clyfford Still: Titulurik gabea, 1964
- Erakusketa:
- Espresionismo Abstraktua
- Mugimendu artistikoak:
- Espresionismo Abstraktua
- Artelan motak:
- Pintura
- Aipatutako artistak:
- Still, Clyfford
Hirurogeiko hamarkadan jada, Clyfford Stillen lanean argi ikus zitekeen haren estiloa finkatua zuela. Aldaera txiki batzuk gehitzen joaten zen artelanak aberasteko. Koadro honek artistak ohiko zuen formatu bertikala du. Mihisean zehar, tonu argiak eta ilunagoak tartekatzen ditu, kontrastea sortzeko.
Hala ere, beltz ilun lodia erabili ordez, pixka bat arinagoa den marroi bat aukeratu du. Pintzelkadek energia eta mugimendua ematen dute aditzera: artistak keinuari garrantzia handiagoa eman dio kolore-eremuei baino. Marroiaren eta hondoaren, margotu gabeko mihisearen, arteko kontrastea handia da. Bien arteko lotura dagoela dirudi eta horrek forma eta hondo kontzeptuen inguruko galderak egitera gonbidatzen gaitu. Era berean, kolore bakoitzaren protagonismoa eta emozioak eragiteko daukaten gaitasunari buruz hausnartzera ere bultzatzen gaitu. Hain zuzen, irudian pausu bat gehiago eman eta emozioa lortzeko nahiaren ondorioz, Stillek hizkuntza piktorikoaren elementu guztiak batzea lortzen zuen. Horrela azaldu zuen artistak berak:
Inoiz ez nuen nahi izan kolorea kolore izan zedin. Inoiz ez nuen nahi izan ehundura ehundura izan zedin edo irudiak forma bilaka zitezen. Horrek guztiak espiritu bizi bakarrean elkartu nahi nuen.