Frank Gehry, arkitektoa
205 aretoa [Frank Gehry, arkitektoa erakusketa]
207 aretoa [Frank Gehry, arkitektoa erakusketa]
Atalak
206 aretoa [Frank Gehry, arkitektoa erakusketa]
- Izenburua:
- 206 aretoa [Frank Gehry, arkitektoa erakusketa]
- Erakusketa:
- Frank Gehry, arkitektoa
- Gaiak:
- Artea eta teknologia | Esperimentazio artistikoa | Sorkuntza artistikoa | Forma | Lan-prozesua | Tamaina
- Artelan motak:
- Arkitektura | Eskultura
- Aipatutako artistak:
- Gehry, Frank
Gehry-k 1987an jaso zuen bere lehenengo enkargua Europatik, eta enkargu horren atzetik Frantzia, Espainia, Suitza eta beste herrialde batzuetako proiektuak sortu ziren. Alemaniako Vitra International altzari-fabrikarako eta Vitra Design Museum-erako (1987–9) egindako diseinuak Gehryren estetikaren aldaketa ekarri zuen berekin, forma lerrozuzenak baztertu baitzituen izaera eskultorikoagoa zuten beste forma batzuen alde. Vitra-ren eta beste proiektu batzuen bultzadak, adibidez Minnesotako Unibertsitateko Frederick R. Weisman Art Museum-a (1990–3), eta diseinu, ingeniaritza eta eraikuntzaren prozesuetatik sortutako eragozpenek arazo tekniko konplexuak konpontzeko gai izango zen programa informatiko bat bilatzera eraman zuten.
Hori Bartzelonako Hiri Olinpiarrerako arrain-eskultura monumentalean (1989–92) hezurmamitu zen. Proiektu honetan, Gehry enpresak lehen aldiz erabili zuen CATIA programa (ordenagailuz lagundutako diseinuaren hiru dimentsioko aplikazio interaktiboa), ez ordea diseinurako tresna gisa aurreikusitako epeak errazago bete ahal izateko baizik. Programa, arkitektoak eta kontratistak elkarrekin batera erabiltzean, eskulturaren forma konplexuak oso azkar eta doitasun handiz egin ahal izan zituzten, ohiko planoen beharrik izan gabe. Proiektuaren arrakastak CATIAren ahalbideak erakutsi zizkien, ondoren ere aztertzen jarraituko zituztenak Pragako Nationale-Nederlanden eraikinaren diseinuetan (1992–6). Programa honen potentzial guztia ezin izan zuten garatu ondorengo proiektu batzuk sortu ziren arte, baina hala ere aplikazio honek aukera eman die Gehryri eta berarekin lan egiten duten kontratistei oso harreman emankorra izateko, eta askatasun handiagoa eskaini dio arkitektoari estetikaren eremuan ikerketak egiteko.