Frank Gehry, arkitektoa
Chiat/Day eraikina
Venice, Kalifornia, 1985–91
Walt Disney Concert Hall (Walt Disney auditorioa)
Los Angeles, 1987-orain arte
Atalak
Vitra International altzari-fabrika eta Vitra Design Museum
Weil am Rhein, Alemania, 1987–9
- Izenburua:
- Vitra International altzari-fabrika eta Vitra Design Museum
Weil am Rhein, Alemania, 1987–9 - Erakusketa:
- Frank Gehry, arkitektoa
- Gaiak:
- Artea eta industria | Eragin artistikoa | Sorkuntza artistikoa | Forma | Gainazala | Materiala | Mugimendua
- Mugimendu artistikoak:
- Arte Garaikidea
- Artelan motak:
- Arkitektura
- Aipatutako artistak:
- Gehry, Frank
Gehry-ri Europan eskatu zaion lehenengo proiektuak, alegia Vitra International altzarien fabrikarako bi eraikinen diseinuak, garrantzi handiko aldaketa ekarriko zuen estetikari dagokionez. 1981ean Nicholas Grimshaw-k diseinatutako fabrika zaharraren ondoan fabrika berri bat eraikitzeko baterako plan bat diseinatzeko eskatu zioten, baita Rolf Fehlbaum enpresaren zuzendari nagusiaren bilduma ikusgai jartzeko museo txiki bat ere, arte modernoaren eta garaikidearen berrehun bat aulki barne hartuko zituena. Gehryren proiektu hau nahiko aldentzen da geometrien eta ohiz kanpoko materialen konbinazio anitzetatik, hain zuzen ere Kaliforniako hegoaldeko bere egituretan erabili ohi zituenetatik. Eta forma eskultorikoagoak dituzten eraikinak egiteko sortu zitzaion interes berria antzeman daiteke.
Hiztegi organikoa garatuz. Vitran erabili dituen forma kurbatuek bere aurreko eraikinen forma zuzen klasikoak ordezkatzen dituzte. Multzoaren mugimendua arku barrokoen eta espiral leunen ondorio da, eta produkzio-zentro baten izaera dinamikoari erantzuten dio. Arrapala uhindunen bidez, museo lerromakur honek mugimenduzko sentsazioa ematen dio fabrika zahar lerrozuzenari. Igeltsuzko eta estukozko gainazal kurbatuek Le Corbusier-ek diseinatu zuen
Ronchamp-eko (Frantzian) Notre-Dame-du-Haut (1950–5) kapera gogorarazten digute, hau Gehryrentzat garrantzi handiko erreferentzia arkitektonikoa izanik. Museoaren eta fabrikaren zinkezko estalkiek eta aluminioz estalitako Grimshawren eraikinak elkarreragina sortzen dute, lotura duen multzo bat eratuz. Gainera, dagozkien estilo desberdinak bat datoz erabat ondorengo eranskin arkitektonikoekin.
Azalera: 98.000 oin karratu
Materialak: hormigoizko egitura, estukoa, igeltsua harlanaren gainean, titanio-zinkezko panelak
Proiektu-taldea: Frank O. Gehry, Robert G. Hale, C. Gregory Walsh, Jr., Berthold Penkhues, Liza Hansen, Joseph Bonura, Edwin Chan