Frank Gehry, arkitektoa
Walt Disney Concert Hall (Walt Disney auditorioa)
Los Angeles, 1987-orain arte
Arrain-eskultura Hiri Olinpiarrean
Bartzelona, 1989–92
Atalak
Vitra International-en egoitza nagusiaBirsfelden, Suitza, 1988–94
- Izenburua:
- Vitra International-en egoitza nagusiaBirsfelden, Suitza, 1988–94
- Erakusketa:
- Frank Gehry, arkitektoa
- Gaiak:
- Gizakia | Artea eta industria | Eragin artistikoa | Sorkuntza artistikoa | Espazioa | Kolorea | Materiala
- Artelan motak:
- Arkitektura
- Aipatutako artistak:
- Gehry, Frank
Gehry-k diseinatutako eraikin nabarmen batzuen egiturak dagozkien erakundeen irudi publiko bihurtzen dira. Horren erakusgarri dugu Basileako inguruetako auzo batean dagoen Vitra International-en egoitza nagusia. Eraikin honek Gehryk Weil am Rhein-en (Alemania) diseinatu zuen Vitra International altzari-fabrika eta Vitra Design Museum (1987–9) gogorarazten dizkigu, eta altzari-fabrika honen antzera, egoitza nagusiko bulegoen eraikin lerrozuzen honek aurretik sortutako egitura independentearen atze oihal fin bezala dihardu —kasu honetan, eskala txikiagoa duen etxe bat da, museoa gogorarazten diguten arku dinamiko batzuk dituena—. Etxea zinkez estalia egon arren, Weil am Rhein-eko aurreko eraikinen estalkian erabilitako materiala, bertako fatxada azken horietatik bereizten da kolore biziez estukoa dauden panelengatik.
Barrualdearen eta kanpoaldearen ezaugarriak. Fabrikarako bere aurreko diseinuetan bezala, Gehryk ordena arkitektonikoaren bidez egituratu zituen giza harremanak. Erdigunean kokatua dagoen etxeak kafetegi bat, bilera-gela batzuk eta harrera-leku bat barne hartzen ditu, eta beraz erakundearen gune soziala da, eskala txikiagoa duenez espazio intimoagoa eskaintzen duena. Atrio batek bulegoen bloke lerrozuzena eta enplegatuen topagune bilakatzen den espazio hau lotzen ditu. Bulegoen espazio neutroa kontrastean dago etxearen arkitektura deigarriagoarekin eta Columbiako (Maryland) Rouse Company (1969–74) enpresako bulegoen eraikinari dagozkion plano irekia gogorarazten dizkigu, bai eta Venice-ko (Kalifornia) Chiat/Day eraikina (1985–91) ere. Era berean, eraikinak pabiloi industrialez eta egoitza pribatuez osatutako bere ingurunearekin duen harremana kontuan hartu du Gehryk, itxura industriala duen bulegoen eraikin baxuaren ondoan inguruetako etxeak gogorarazten dizkigun etxe txiki bat kokatuz.
Azalera: 6.200 metro karratu
Materialak: altzairuzko egitura, hormigoia, harlana, estukoa, zinkezko panelak
Proiektu-taldea: Frank O. Gehry, Robert G. Hale, Vincent Snyder, James M. Glymph, Liza Hansen, Peter Locke, Eva Sobesky, David Stein, Randall Stout, Laurence Tighe, Dane Twichell, Brian Yoo