Frank Gehry, arkitektoa
Peter B. Lewis eraikina
Weatherhead School of Management, Case Western Reserve University, Cleveland, 1997-orain arte
Marqués de Riscal upeltegietako hotela
Eltziego, Espainia, 1998-orain arte
Atalak
Guggenheim Museum New York New York, 1998-orain arte
- Izenburua:
- Guggenheim Museum New York New York, 1998-orain arte
- Erakusketa:
- Frank Gehry, arkitektoa
- Gaiak:
- Artea eta espazioa | Artea eta gizartea | Eragin artistikoa | Sorkuntza artistikoa | Forma | Gainazala | Materiala | Mugimendua
- Artelan motak:
- Arkitektura | Eskultura
- Aipatutako artistak:
- Gehry, Frank
Gehry-k Guggenheim Museum New York berrirako diseinatutako ikono-egitura, oraindik zehaztu gabe zegoen kokaleku baterako egindako lehenengo diseinuaren hobekuntza-prozesu luzearen emaitza dugu. Hasieran batean, Gehryk eraiki ez zen Samsung Museum of Modern Art-erako (1995–7) diseinatu zuen ur-jauzi baten itxurako fatxada metalikoa hartu zuen inspirazio‑iturri gisa eraikinaren estetika zehazteko. 1999an, museoa kokatu ahal izango zen orubea aukeratu ondoren –Manhattanen hegoaldeko lau kai–, diseinuak aldaketa handiak izan zituen, eta aldaketa horien emaitza orain duen forma izan zen. Oraingo diseinua atzealdeko hiriko paisaian eta begira ari zaion East River ibaian integratua dago. New Yorkeko arkitekturaren sinbolo diren etxe orratzen forma zurrunak zatikatu eta birkonbinatzen ditu uraren mugimendu arina eta hiriaren indarra gogora ekartzen dizkigun egitura lerromakur batean. Metal uhindunez estalitako dorre bihurtua laino trinkoen artean nabarmentzen den etxe orratz baten antzekoa da.
Berariazko kokaleku baterako forma. Ibaiertzean dagoen orube honetan kokatutako museoaren funtzio publikoak garrantzi handia izan du bere diseinuan. Maniobra ausart batez, Gehryk egitura nagusia ibaiaren gainean flotaraztea lortu du, oinezkoei ura etengabe ikustea ahalbidetuz. Itsas pasealekuak eta parke zabalak topagune bat eta ibairako sarbide bat eskaintzen dute premia handi bati erantzunez, eta eskulturen lorategi batekin eta aisialdirako beste leku publiko batzuekin osatzen dira. Gehryren diseinu hau ikusita, etorkizuneko museoek artelanak gordetzeko ez ezik hiritarren aisialdirako gune gisa ere balio dezaketela iradokitzen ari zaigula ematen du.
Proiektu-taldea: Frank O. Gehry, Randy Jefferson, Edwin Chan, Michelle Kaufmann, Kamran Ardalan, Tom Balaban, Christoph Deckwitz, Chad Dyner, Matt Gagnon, Sean Gale, Albert Lee, Andrew Liu, Frank Mendelez, Ross Miller, David Nam, Gaston Nogues, Catriel Tulian, Adam Wheeler, Nora Wolin, Brian Zamora