Frank Gehry, arkitektoa
Loyola Law School
Los Angeles, 1978 orain arte
Etxeak [2]
Atalak
Etxeak [1]
- Izenburua:
- Etxeak [1]
- Erakusketa:
- Frank Gehry, arkitektoa
- Gaiak:
- Artea eta espazioa | Esperimentazio artistikoa | Forma | Geometria | Kolorea | Materiala | Tamaina
- Artelan motak:
- Arkitektura
- Aipatutako artistak:
- Gehry, Frank
Gehry-k 1970eko hamarkadaren bukaera eta 1980koaren hasiera bitartean Los Angeles inguruan diseinatutako etxeak zurezko egitura duten etxeen forma ortogonal tipikoa baztertzeko interesaren erakusgarri dira. “Eraikitzen ari diren eraikinak amaitutakoak baino ederragoak dira” dio Gehryk eta ideia horri tinko eutsiz azal babeslea zatikatzen du barrualdeko zurezko egitura agerian uzteko. Eraiki ez den Wagner etxearen (1978) eta Familian etxearen (1978) maketetan, distortsionatu egiten du egitura lerrozuzena angelu lapranetan leihoak eta ateak etxearen zimentuen ondoan jarriz.
Ingurunea kontuan hartuz. “Eraikitzen ari den eraikinaren” estetika amaitutako egituretan ere antzematen da, adibidez Indiana Avenue-ko estudioetan (1979–81) eta Norton etxean (1982–4), biak Kaliforniako Venice auzokoak. Etxe horietan, Gehryk koloreen eta geometrien amalgama nahaspilatua sortzen du eraikuntzako material arruntak erabiliz, adibidez, estukoa, hormigoizko blokeak eta zur kontratxapatua. Gehryren diseinuen forma bereziek ingurunean integratzeko aukera ematen diote eraikuntzari. Adibidez, Indiana Avenue-ko estudioen kanpoaldeko xehetasunen dimentsio handiek bolumenetan hain kubikoa ez den efektua lortzen laguntzen dute, altuera baxuko inguruko etxeekiko jarraitasuna galdu gabe. Era berean, Norton etxearen jagoletza-dorrea, hain zuzen ere etxe nagusitik bereizita dagoen estudio bat dena, erabat integratuta dago bere ingurunean, Venice hondartzaren ondoan.