Frank Gehry, arkitektoa
Vitra International-en egoitza nagusia
Birsfelden, Suitza, 1988–94
Frederick R. Weisman Art Museum
Minnesotako Unibertsitatea, Minneapolis, 1990–3
Atalak
Arrain-eskultura Hiri Olinpiarrean
Bartzelona, 1989–92
- Izenburua:
- Arrain-eskultura Hiri Olinpiarrean
Bartzelona, 1989–92 - Erakusketa:
- Frank Gehry, arkitektoa
- Gaiak:
- Artea eta teknologia | Sorkuntza artistikoa | Materiala | Tamaina
- Artelan motak:
- Eskultura
- Aipatutako artistak:
- Gehry, Frank
Gehry-ren obran, arraina behin eta berriro agertzen den motiboa da, inspirazio-iturri eta maskota gisa erabiltzen duena. 1992ko Joko Olinpikoetarako sortu zuen eskultura monumental honek arrain itxura du, eta Skidmore, Owings & Merrill etxeak sortutako hotel-gunearen barruan kokatua dagoen eta Gehryk diseinatu zuen merkataritza-gunearen erreferentzia-puntu nagusia da.
CATIA programa berenganatuz. Arrain-eskultura honek gune gogoangarria adierazten du Frank O. Gehry & Associates enpresaren historian, eskultura honetan lehen aldiz erabili baitzen ordenagailuz lagundutako diseinua eta fabrikazioa. Eragozpen finantzarioek eta aurreikusitako epeak bete behar izateak James M. Glymph, enpresaren bazkideetako bat, diseinuaren eta eraikuntzaren prozesua bizkortuko zuen ordenagailu-programa bat bilatzera eraman zuten. Hala berenganatu zuten CATIA sistema, ordenagailuz lagundutako diseinuaren hiru dimentsioko aplikazio interaktiboa. Hiru dimentsioko modelaketarako programa hau Frantziako industria aeroespazialerako garatu zen eta diseinuan, ingeniaritzan nahiz fabrikazioan erabil daiteke. Programak eredu fisikoak digitalizatuz sortzen diren datuak aztertzen ditu, eta azaleren geometria konplexuak eratzeko aukera ematen du. Lortutako emaitzak eraikuntzako oso sistema konplikatuak diseinatzeko eta sortzeko erabiltzen dira.
Azalera: 150.000 oin karratu
Materialak: harria, altzairua, beira
Proiektu-taldea: Frank O. Gehry, David Denton, James M. Glymph, Michael Maltzan, C. Gregory Walsh, Jr., Douglas Hanson, David Reddy, Rick Black, Karl Blette, Christopher Joseph Bonura, Kevin Daly, Peter Locke, Michael Sant, Dane Twichell
Hotel-gunearen arkitektura: Bruce Graham eta Skidmore, Owings & Merrill
Kontratista: Permasteelisa