Frank Gehry, arkitektoa
Condé Nast kafetegia
New York, 1996–2000
Guggenheim Museum New York
New York, 1998-orain arte
Atalak
Peter B. Lewis eraikina
Weatherhead School of Management, Case Western Reserve University, Cleveland, 1997-orain arte
- Izenburua:
- Peter B. Lewis eraikina
Weatherhead School of Management, Case Western Reserve University, Cleveland, 1997-orain arte - Erakusketa:
- Frank Gehry, arkitektoa
- Gaiak:
- Gizakia | Artea eta hezkuntza | Eragin artistikoa | Sorkuntza artistikoa | Sormena | Espazioa | Forma | Materiala | Tamaina
- Artelan motak:
- Arkitektura
- Aipatutako artistak:
- Gehry, Frank
Weatherhead Fakultateko ikasketa-programa aurreratua islatuko zuen eraikin bat diseinatzeko eskatu ziotenean, Gehry-k aro modernoaren eraikuntzetako ohiko bloke kubikoa txiki-txiki eginda uzten zuen proiektu bat aurkeztu zuen. Adreiluzko eraikin lerrozuzen batetik bi dorre sortzen dira, eta metalezko egitura batzuk dituzte ur-jauzi baten antzera dorretik kalerantz amiltzen direnak eta adreiluzko eraikina zenbait aldetatik zulatzen dutenak. Lursailaren tamaina mugatuari erantzuteko, Gehryren diseinuak zabaleran hazi beharrean gorantz hazten dira. Eraikinak duen altueraren eta campusaren eraikuntza baxuen arteko oreka lortzearren, Gehryk bi dorre horien artean banatu du erabil daitekeen lursaila, metalezko ur-jauziak eraikinak dituen zati desberdinen arteko desnibela disimulatzearren. Estetika arin honek Gehry Samsung Museum of Modern Art-erako (1995–7) egin zuen proiektuan du bere inspirazio-iturria. Eraiki ez zen proiektu haren metalezko kanpoalde eskultorikoak ere bere altuera desberdinak disimulatzen zituen.
Ikasgelak taxutuz. Eraikinaren barrualdea kanpoaldea bezain originala da. Bi dorreak parekatutako eskulturen antzera irteten dira atriotik. Dorre horiek pilare altu batzuk dituzte euskarritzat, altuera handiko barrualde horretan espazio intimoak eratzea ahalbidetuz –Berlingo DG Bank eraikinaren (1995–2001) zaldi-buruaren formako hitzaldi-aretoen oso antzekoak–. Ikasgelak dorreen erdialdean daude kokatuak, eta bulegoak eta hitzaldi-aretoak alboetan. Barrualdeko pasaguneak ikasleen eta irakasleen arteko harremana errazteko sortu dira, eta ikasgelako eserleku guztiak, oker jarriak egoteaz gain, forma desberdinetakoak dira, ohiko ikastegietan ez bezala.
Azalera: 143.000 oin karratu
Materialak: adreilua, altzairu herdoilgaitzezko panelak, hormigoia, beira
Proiektu-taldea: Frank O. Gehry, James M. Glymph, Edwin Chan, Douglas Hanson, Gerhard Mayer, Rachel Allen, Thomas Balaban, Steven Brabson, Henry Brawner, Heather Duncan, Matt Fineout, Bryan Flores, Jason Luk, Christopher Mazzier, Julian Mayes, Frank Medrano, Robyn Morgenstern, John Murphey, Brian Papke, Yanan Par, Jonathon Rothstein, Marc Salette, Frank Sheng, Rick Smith, Derek Soltes, Friedrich Tuczek, Frank Weeks, Brad Winkeljohn, Nora Wolin