Frank Gehry, arkitektoa
Ray and Maria Stata Center
Massachusetts Institute of Technology, Cambridge, Massachusetts, 1998-orain arte
New York Times-en egoitza nagusia (eraiki gabea)
New York, 2000
Atalak
Millennium Park Music Pavilion eta Great LawnChicago, 1999-orain arte
- Izenburua:
- Millennium Park Music Pavilion eta Great LawnChicago, 1999-orain arte
- Erakusketa:
- Frank Gehry, arkitektoa
- Gaiak:
- Artea eta musika | Sorkuntza artistikoa | Espazioa | Forma | Materiala | Soinua
- Artelan motak:
- Arkitektura
- Aipatutako artistak:
- Gehry, Frank
Chicago hiriaren erdi-erdian, hirigintzako proiektu hau Gehry-k aire zabalerako egindako diseinuetako bat da, horien artean aipatzekoak izanik Merriweather-Post Pavilion (1966–7) Columbian (Maryland), Concord Performing Arts Center (1973–6) Concorden (Kalifornia), eta Hollywood Bowl-eko (1970–82) birmoldaketa-lan ugariak Hollywooden (Kalifornia). Michigan Avenue hiribidean, parke berri bateko leku nabarmen batean kokatua, Art Institute of Chicago eraikinaren ondoan alegia, Millennium Park Music Pavilion eta Great Lawn Gehryren proiektu zabalago eta handiago baten parte dira, proiektu horrek antzoki bat eta lorategi handi batzuk ere barne hartzen baititu. Proiektu honetan Gehryk serpentina itxura duen zubi bat gehitu du, mendebaldean dagoen Grant parkerako oinezkoentzako sarbidea eskaintzeaz gain kaleko zarata arinduko duena.
Funtzio musikala eta forma. Seattle hiriko Experience Music Project (EMP) (1995–2000) kasuan bezala, Millennium-aren formek nolabaiteko konnotazio musikalak dituzte. Orkestraren kioskoak dituen altzairu herdoilgaitzezko egituren forma irtenek soinua lorategirantz kanporatzen duten kobrezko tronpa batzuen itxura dute. Orkestraren kioskotik hesi itxurako egitura bat sortzen da Great Lawn-en gainetik arku bat eratuz, eta bere formak ikusleei iristen zaizkien soinu-uhinak gogorarazten dizkigu. Diseinuak bezeroaren nahi bati erantzuten dio, hau da, publikoari orkestraren emanaldiak ikustea eragozten dioten bozgorailuen dorre tipikoak saihestea. Soinu-sistema hesi itxurako egituran muntatzean, musika publikoaren gainean flotatzea lortu du Gehryk.
Materialak: altzairu herdoilgaitzezko panelak, beira, Oregoneko pinua
Proiektu-taldea: Frank O. Gehry, Randy Jefferson, Craig Webb, Lynn Pilon, Reza Bagherzadeh, Chris Banks, Tom Besai, Manucher Eslami, James Jackson, Kurt Komraus, Jason Luk, David May, Chris Mazzier, Frank Medrano, Sy Melgazo, Chris Mercier, Julianna Morais, Diego Petrate, Birgit Schneider, Tensho Takemori, Karen Tom, Scott Uriu, Adam Wheeler, Nora Wolin