Frank Gehry, arkitektoa
Etxeak [1]
Chiat/Day eraikina
Venice, Kalifornia, 1985–91
Atalak
Etxeak [2]
- Izenburua:
- Etxeak [2]
- Erakusketa:
- Frank Gehry, arkitektoa
- Gaiak:
- Eragin artistikoa | Esperimentazio artistikoa | Sorkuntza artistikoa | Espazioa | Geometria | Lan-prozesua
- Artelan motak:
- Arkitektura
- Aipatutako artistak:
- Gehry, Frank
1980ko hamarkadaren lehenengo erdian egindako proiektuetan, Gehry-k aurkezten zituen eraikinak bolumen independenteez osatuak zeuden, baina independenteak izan arren bolumen horiek elkarri lotuak zeuden. Diseinuaren aldaketa horrek eraikinaren egitura elementu oinarrizkoenetara murrizteko interesa erakusten zuen, aurreko bere egitura bateratuak baztertuz. Batasun hori desegiteko joera honen adibide bat Steeves etxea berritzeko proiektua dugu. Gehryk 1958–9an eraiki zuen etxe hau Los Angelesen, eta ondoren 1981ean Smith familiarentzako berriro diseinatu zuen, erreforma hori inoiz egin ez bazen ere. Smith familiarentzako proiektuan, Gehryk elkarri lotuak egon arren independenteak diren eraikinen multzo bat aurkezten du. Eraikin horiek jatorrizko egitura baxuari lotutako erdiko galeria bati atxikiak daude, eta bertan begien bistakoa da Frank Lloyd Wright-en arkitekturaren eta diseinu japoniarrari dagokion sinpletasunaren eragina.
Espazio pribatua berriro itxuratuz. Gehryren ikuspegi berriak etxebizitzen diseinu handien ohiko monotonia ere adierazten du. Tract etxearen (1982) proiektua, non etxebizitza bateko gela tipikoak eraikin geometriko desberdinetan banatuak baitzeuden, Schnabel etxerako (1986-9) inspirazio-iturri izan zen Gehryrentzat. Schnabel etxea Los Angelesko egoitza-auzo batean kokatua dago, nahiko arrunta den lursail batean. Eragin historiko anitzak eta inpresio bisualak antzematen zaizkio, eta egoitza-multzo ordenatu bat baino gehiago herri bateko etxe sakabanatuak gogorarazten dizkigu. Bertako berrikuntza arkitektonikoek lursailaren tamaina sendotu eta zabaldu egiten dute. Plangintza honen kalitate eskultorikoak Wayzatako (Minnesota) Winton gonbidatu-etxearen (1983–7) konfigurazioan lortu du bere maila gorena. Bertako eraikinek forma karratua, konikoa eta trapezoidala dute eta gonbidatu-etxe berriaren gela desberdinak barne hartzen dituzte, egitura nagusitik begiratuta bodegoi antzeko bat osatuz.