Frank Gehry, arkitektoa
Etxeak [2]
Vitra International altzari-fabrika eta Vitra Design Museum
Weil am Rhein, Alemania, 1987–9
Atalak
Chiat/Day eraikinaVenice, Kalifornia, 1985–91
- Izenburua:
- Chiat/Day eraikinaVenice, Kalifornia, 1985–91
- Erakusketa:
- Frank Gehry, arkitektoa
- Gaiak:
- Eragin artistikoa | Sorkuntza artistikoa | Sormena | Argia | Espazioa | Forma | Materiala | Tamaina
- Artelan motak:
- Arkitektura
- Aipatutako artistak:
- Gehry, Frank
Chiat/Day Advertising publizitate-agentziaren eraikinak duen fatxada harrigarriak eraikin hau Gehryren proiektuen artean ezagunenetako bat izatea eragin du. Eraikinera Main Street kaletik hurbiltzean hiru elementuen segida ikusten da, agentziaren hesi publizitarioaren funtzioa edo betez. Erdiko pieza monumentala Claes Oldenburg eta Coosje van Bruggen artisten lankidetzarekin egin zuen Gehryk. Prismatiko baten forma du eta automobilen eta oinezkoen sarbidea izateaz gain, barrualdean hitzaldi-areto batzuk ditu.
Elementu ludiko honek ontzi baten kroskoaren forma duen eraikin bat du iparraldera eta beste aldera zuhaitz-talde baten antza duten eta kobrezko txapaz estaliak dauden zutabe laukizuzenez eta habe diagonalez osatutako fatxada bat.
Lantokia. L forma duen 75.000 oin karratuko azalera hartzen duen proiektu handi hau diseinatzeko, Gehry Rouse Company (1969–74) eta Mid-Atlantic Toyota (1976–8) bere aurreko proiektuetan oinarritu zen. Espazio ireki bat da, eta bertan banaketarako tabikeek altuera desberdinak dituzte barrualdearen monotonia etetearren eta, aldi berean, sail desberdinen arteko komunikazioa erraztearren. Argia bulego nagusiaren gune desberdinetan kokatuak dauden argi-zulo batzuetatik eta bilera-geletatik sartzen da. Barrualdeko dekorazioa zur kontratxapatuzko aplike batzuek eta bulegorako altzari konbentzional batzuek osatzen dute besterik gabe. Horrek bertako enplegatuei beren espazioa pertsonalizatzeko aukera ematen die, hala enpresaren izaera sortzailea errespetatuz.
Azalera: 75.000 oin karratu
Materialak: tailerreko hormigoiketa, altzairua, estukozko luzitua, kobrezko xaflak
Proiektu-taldea: Frank O. Gehry, David Denton, C. Gregory Walsh, Jr., Craig Webb, Alan Au, Gerhard Auernhammer, Perry Blake, Thomas Duley, Anne Greenwald, Robert G. Hale, Victoria Jenkins, Alex Meconi, Clive Wilkinson
Artista kolaboratzaileak: Claes Oldenburg eta Coosje van Bruggen