Frank Gehry, arkitektoa
Frederick R. Weisman Art Museum
Minnesotako Unibertsitatea, Minneapolis, 1990–3
Nationale-Nederlanden eraikina
Praga, 1992–6
Atalak
EMR komunikazio- eta teknologia-zentroa
Bad Oeynhausen, Alemania, 1991–5
- Izenburua:
- EMR komunikazio- eta teknologia-zentroa
Bad Oeynhausen, Alemania, 1991–5 - Erakusketa:
- Frank Gehry, arkitektoa
- Gaiak:
- Artea eta industria | Artea eta teknologia | Sorkuntza artistikoa | Argia | Espazioa | Materiala
- Artelan motak:
- Arkitektura
- Aipatutako artistak:
- Gehry, Frank
EMR komunikazio-eta teknologia-zentro honetan —energia elektrikoaren transformaziorako estazioa— Gehry-k arkitektura industrialari dagokion estetika utilitarioa saihesten du, lehendik ere Vitra International altzari-fabrikan (1987–9) egin zuen bezala, Weil am Rhein-en (Alemania). Eraikinak haizagailu formako solairu bat du, erditik ateratzen diren beso batzuekin. Lehendik ere Gehryk erabili izan zuen trazadura mota hau Winton gonbidatu-etxean (1983–7) erantsitako eraikinen bolumena murrizteko. Egoitza-egitura hartan bezalaxe, EMR zentroaren 43.000 oin karratuak forma txiki desberdinen eta independenteen multzo batean desegiten direla ematen du.
Barrualdea taxutuz. Birsfelden-eko (Suitza) Vitra International-en (1988–94) egoitza nagusiaren antolamendu zentralizatuan bezala, EMR zentroaren diseinua haizagailu forma duen trazaduraren erdigunean kokatutako atrio baten inguruan antolatua dago. Bilera-gelak eta erakusketa-aretoa atondo honetatik abiatzen dira, funtzio zehatzagoak dituzten beste areto batzuk, adibidez ordenagailuena eta bulegoak, eraikinaren erdigunetik urrunago dauden bitartean. Enpresa honek baliabide naturalak aprobetxatzeko erakutsitako interesari jarraituz, leiho eta argi-zulo handiak eraikinaren beso estuetan zabaltzen dira, barrualdeko espazioak argi naturalez betetzeko. Argi naturala aprobetxatzeaz gain, eraikina energia aurrezteko aukera ematen duten beste baliabide batzuk erabiltzeko diseinatua dago. Esate baterako, teilatuan
eguzki-plaka batzuk daude, baita aireztapen-dorre batzuk ere, hilabete epeletan barruko giroa hozteko erabiltzen direnak.
Azalera: 4.300 metro karratu
Materialak: altzairua, beira, metalezko xaflak, igeltsua
Proiektu-taldea: Frank O. Gehry, James M. Glymph, Randall Stout, Vince Snyder, Michael Maltzan, Tomaso Bradshaw, Jonathan Davis, Matthias Seufert, Todd Spiegel, Hiroshi Tokumaru, Laurence Tighe, Tim Williams
Arkitekto elkartua: AKNW, Hartwig Rullkôtter