Frank Gehry, arkitektoa
206 aretoa [Frank Gehry, arkitektoa erakusketa]
Eraikinen eta beren ingurunearen arteko elkarrizketa
Atalak
207 aretoa [Frank Gehry, arkitektoa erakusketa]
- Izenburua:
- 207 aretoa [Frank Gehry, arkitektoa erakusketa]
- Erakusketa:
- Frank Gehry, arkitektoa
- Gaiak:
- Artea eta teknologia | Esperimentazio artistikoa | Sorkuntza artistikoa | Sormena | Forma | Materiala | Mugimendua
- Artelan motak:
- Arkitektura
- Aipatutako artistak:
- Gehry, Frank
1989an, arkitekturaren Pritzer saria jaso zuen urtean, Gehry-k asmo handiko egoitza-proiektu bati ekin zion. Izan ere, Peter Lewisen etxearen proiektu honetan 1990eko hamarkadaren erdialdera arte aritu zen lanean. Gehryren ospea zabaldu ahala, arkitektoa eta bere taldea erakunde eta enpresa handien enkarguak jasotzen hasi ziren. Bere ibilbidearen hasierako etxeen diseinuek bide eman zieten bezero ausartagoek eskatutako proiektu berritzaileagoei. Bezeroaren baldintzarik gabeko laguntzari esker, Lewis etxearen proiektuaren bikaintasuna eta fantasia-kutsua areagotzen hasi ziren Gehryk bere ikuspegiari eta bezeroaren nahiari jarraituz forma berriak imajinatu ahala. Lewis etxea inoiz eraiki ez zen arren, Gehryrentzat esperimentaziorako aukera paregabea izan zen, bertatik sortutako ideien eraginez bere obrak norabide berri bat hartuko baitzuen. Proiektu honek egoitza pribatuen diseinuak arkitekturaren diseinuaren eboluzioan duen garrantzia adierazten du baita ere.
Lewis etxearen proiektuak izan zuen garapenaren azken urteetan, Gehry hizkuntza arinagoa eta organikoagoa erabiltzen hasi zen. Eta hizkuntza hori agerian geratu zen Düsseldorfeko Der Neue Zollhof (1994–9) bulegoen dorre uhindunetan, hain zuzen ere Berlingo DG Bank eraikinaren (1995–2001) hitzaldi-areto famatuaren inspirazio-iturri izango zena, zaldi-buruaren forma duen horrena. Arkitekturaren inguruko hiztegi berri hau ordenagailuz lagundutako CAD eta CAM diseinu eta fabrikazio-programa berriei esker sortu zen, arkitektura formen errepikapenak planteatzen zituen arazoetatik askatzen baitzuten. Horren ondorioz eta hizkuntza lerrozuzena eta kubiko estandarra gainditzeko nahiak bultzatuta, Gehry berehala hasi zen programa hauek erabiltzen forma kurbatuen potentziala aztertzeko. Bere estetika urrunago joan zen New Yorkeko Condé Nast kafetegirako (1996–2000) diseinatu eta fabrikatu zituen beirazko panel bereziekin. Hau Lewis etxearen jabea bezain gogotsua zen bezero baten enkarguz burututako proiektua izan zen. Dena dela, aurrerapen teknologikoek eraikin hauek egitea ahalbidetu bazioten ere, hori ez litzateke posible izango bere bezeroen lankidetzarik eta laguntzarik izan ez balu.