Juan Muñoz. Atzera begirakoa
Balkoi bikoitza, 1996; Hotel Declercq I, 1986; Hotel Declercq II, 1987–2000; Hotel Declercq III, 1986; Hotel Declercq IV, 1986 [205 aretoa]
Nanoa hiru zutaberekin, 1988 [205 aretoa]
Iruzkinak
Minaretea Otto Kurz-entzat, 1985 [205 aretoa]
- Izenburua:
- Minaretea Otto Kurz-entzat, 1985 [205 aretoa]
- Erakusketa:
- Juan Muñoz. Atzera begirakoa
- Gaiak:
- Balkoiak | Dorreak | Arte orientala | Artea eta espazioa | Artea eta pertzepzioa | Eragin artistikoa | Sorkuntza artistikoa | Otto Kurz
- Artelan motak:
- Alfonbra pertsak | Eskultura
- Aipatutako artistak:
- Muñoz, Juan
Batere egonkorra ez dirudien dorre-itxurako tripode honek plataforma bat du gainean, eta balkoi bat gogorarazten du. Irudipenezko pertsonaia baten behatokia izan liteke, behean duen kolore biziko alfonbra orientala ikusteko leku hobezina. Juan Muñoz-entzat, alfonbra hori hiri bateko maparen irudia zen, eta eraikuntza honetatik osorik ikus zitekeen hiria. Gainera, alfonbra ikusita, Asiako hiri bat dela ematen digu aditzera. Obraren izenak berak ere, Minaretea Otto Kurz-entzat, beste arrasto bat ematen digu, minarete batekin erlazionatzen baitu dorrea, edo artistak zioen bezala, kanturako leku batekin, ahotsarentzako bizileku batekin. Hasiera batean, obra honek lekuz kanpo uzten du ikuslea, baina tripodearekin batera ikusita, alfonbrak esanahi berri bat hartzen du erakustaretoaren barruan. Leku bat markatzen du. Alfonbrak, ingurune bizi eta pribatu bateko ohiko objektua den aldetik, asoziazio bisualez eta kulturalez betetako espazio berri bat iradokitzen digu. Osagai orientalak barne hartuz, Espainiak ondaretzat jaso zituen tradizio islamikoak gogora ekartzen dizkigu Muñozek.
Artistak Vienako Otto Kurz arte-historialariari eskaini zion obra hau. Kurtzek Londresera emigratu zuen nazien garaian, eta liburuzain lanean jardun zuen Warburg Institute-n. Aurrera eraman zuen ikerlan nekaezina, fruiturik eman ez arren, “debekatutako irudiaren” bilaketan oinarritu zen, irudimenetik harantz existitu ezin duen irudiaren bilaketa lanean, hain zuzen.