Juan Muñoz. Atzera begirakoa
Oinetako kaxa batean bizitzen, 1993-95 [Aretoetatik kanpo]
Gizon bat gela batean, apustu egiten, 1992
Iruzkinak
Antzekotasunik ba al da?, 1996
- Izenburua:
- Antzekotasunik ba al da?, 1996
- Erakusketa:
- Juan Muñoz. Atzera begirakoa
- Gaiak:
- Artea eta pertzepzioa | Sorkuntza artistikoa | Soinua | Lankidetza artistikoa | Irratia | Antzerkia | John Berger | Tom Stromberg | Magia | Itzulpenak
- Mugimendu artistikoak:
- Arte Garaikidea
- Artelan motak:
- Ikus-entzunezkoa | Performance | Soinu-artea
- Aipatutako artistak:
- Muñoz, Juan
1990eko hamarkadan, artista garaikideei zuzendutako proiektu batzuetan parte hartzera gonbidatu zuten Juan Muñoz, ezohiko performanceak egin ahal izateko. Proiektu honen barruan, John Berger idazlearekin eta kritikariarekin elkarlanean aritu zen Antzekotasunik ba al da? lana garatzeko. Frankfurten estreinatu zen 1996ko ekainean eta obra irratiz eman zuten. Tom Stromberg zuzendariaren laguntzarekin, Muñozek antzerkigilearen lana egin zuen. John Bergerrek testua idatzi eta antzeztu zuen. Bere eskuinaldean soinuetan aditua zen artista bat zegoen eserita, eta soinu ugari imitatzen jardun zuen: zakurraren zaunka, ate-kolpeak, baita tximeleta baten hegoen astinaldi leuna ere. Ezkerraldean aktore bat zegoen Bergerren testua ingelesetik alemanera itzultzen —tarteka aldi berean, beste batzuetan eten baten ondoren eta zenbaitetan zati batzuk bakarrik itzultzen—. Eszenatokiaren ertzean hiru gazte zeuden eserita, bizkarralde luzeak zituzten aulkietan ia mugitu gabe. Lanaren amaiera aldera mago batek desagerrarazi zituen.
Piezaren diseinua askoz ere dramatikoagoa zen Muñozek ordura arte irratirako egin izan zituen lan sinpleekin konparatuta. Hasiera batean, tentsioa eta kalitate dramatikoa soinuaren eta isiltasunaren, presentziaren eta ausentziaren arteko jokoak definitzen ditu. Tratamendu horrek aukera eman zien bi publiko-taldeei —antzokian zeudenei eta irratia entzuten ari zirenei— pieza hau era desberdinetan baloratzeko. Hala, antzokiko publikoak eszenatokian gertatzen ari zen ekintza jarraitu eta magiako trukua ikus zezakeen bitartean, irratia entzuten ari zirenek euren irudimenaren bidez hizkuntza aberastu zezaketen eta eszenako trukuaren ondoren sortutako isiltasuna kontzienteki erregistratzeko gai izan zitezkeen.
Lan hau entzunez gozatu ahal izateko sortu zen, eta horretara gonbidatzen zaitugu orain edo bisitaldia amaitu ondoren.