Juan Muñoz. Atzera begirakoa
Errailetatik irtetea, 2000-2001 [203 aretoa]
Totelka ari den pieza, 1993 [204 aretoa]
Iruzkinak
Euritako marrazkiak [203 aretoa]
- Izenburua:
- Euritako marrazkiak [203 aretoa]
- Erakusketa:
- Juan Muñoz. Atzera begirakoa
- Gaiak:
- Arkitektura | Artea eta pertzepzioa | Artea eta emozioa | Eragin artistikoa | Sorkuntza artistikoa | Materiala | Dualtasuna | Sentimenduak | Egonezina
- Teknikak:
- Marrazkia
- Aipatutako artistak:
- Muñoz, Juan
1988az geroztik Juan Muñoz-ek behin baino gehiagotan heldu izan zion berriro barnealdeak irudikatzeari, inolako giza presentziarik gabe. Lan hauek gela soil batzuk erakusten dizkigute, gabardina-oihal beltzaren gainean klariona zuriz margotuak. Gela hauek nahasi egiten gaituzte. Ez dute goxotasunik ematen eta aldi berean baretasun giro bitxia darie. Irudietan hutsune sentsazioa da nagusi, baita geldialdiarena ere. Bere eskulturek bezala, marrazki hauek kutsu dramatiko nabarmena dute. Emanaldi baten aurretik eta ondoren behatutako eszenatoki huts baten oihartzuna dira.
Muñozek azaldu zuenez, zerbait gertatu dela edo zerbait gertatzeko zorian dagoela sumatzen delako transmititzen dute marrazkiek nolabaiteko emozioa. Goizegi edo beranduegi iristen gara, momentu okerrean beti.
Marrazki hauek haurtzaroan izandako esperientzia batek bultzatuta egin zituela komentatu zuen. Etxera iristean, geletako altzari guztiak lekuz aldatuta topatzen zituen askotan, zergatik jakin gabe, amak mugituta. Orduan, bere gelako atea zabaldu eta konturatzen zen bere gela izan beharrean anaiarena zela, eta sarreratik urrunago zegoen beste bat zela orduan bere gela berria, bere gauza guztiekin eta paretan erantsitako bere posterrekin. Hala, gela berri hartara ohitzen zen amak berriro guztia aldatzen zuen arte. Etengabeko lekualdaketa hori biziz hazi zela zioen. Deseroso sentitu ohi zen, baina, aldi berean, zeharo normala zen. Muñozentzat, bere lan-eremuaren parte bat zen normaltasunaren eta deserosotasunaren arteko erlazio hori.