Juan Muñoz. Atzera begirakoa
Patente erregistratua: danbor-jole bat kaxa birakari baten barruan, 2001-02
Iruzkinak
Musikarako eraikin bat, 1993
- Izenburua:
- Musikarako eraikin bat, 1993
- Erakusketa:
- Juan Muñoz. Atzera begirakoa
- Gaiak:
- Arkitektura | Musika-eraikinak | Artea eta musika | Sorkuntza artistikoa | Lan-prozesua | Erakusketak | Lankidetza artistikoa | Bigarren Mundu Gerra | Irratia | Antzerkia | Alberto Iglesias
- Artelan motak:
- Soinu-artea
- Aipatutako artistak:
- Muñoz, Juan
Musikarako eraikina irratiko antzerki-lana, Herbeheretan, Arnhem-en egindako Sonsbeek 93 erakusketarako sortu zen. Juan Muñoz bere koinatarekin, Alberto Iglesias musikagilearekin, aritu zen elkarlanean tokiko irrati batek emango zuen pieza hau egiten. Arnhem-eko Operako eraikinaren arkitekturari eskainitako testu bat landu zuen, Bigarren Mundu Gerran suntsitutako eraikinetako bat izanik. Isiltasuna nagusi den aretoak eta musikaz betetzen direnak aipatzen ditu testuak, baita beteak eta hutsik dauden plazak ere. Musikarako diren eraikinen arkitekturari eskainitako programa bat da.
Piezaren egiturak irratiko antzerki-lanen ereduari jarraitzen dio, baita musika garaikidearen hedapen-formatuari ere. Testua agur batekin eta emanaldiaren edukiekin hasten da.
2005ean izandako elkarrizketa batean, Alberto Iglesias musikagileak grabazioa nola egin zuten azaldu zuen:
“Hasteko, barregarriena zera izan zen, mikrofonoa autoan jarri genuen modu sinplea, eta berak istorio bat kontatzen zuen, pertsonaia baten bidaia bati buruzko istorioa, Bigarren Mundu Gerran suntsitutako eraikin bat aurkitu nahian zebilena. Istorio honek eraikina diseinatu zuen arkitektoaren oroitzapenak ere biltzen ditu. Musikarako eraikin bat, auditorio bat. Bi ahotsak, narratzailearena eta arkitektoarena, bere ahotsa dira, frekuentzia pixka bat aldatuta. Madriletik ibili ginen bueltaka, Torrelodonestik, girotzeko soinu egokien bila”.
Lan hau entzunez gozatu ahal izateko sortu zen, eta horretara gonbidatzen zaitugu orain edo bisitaldia amaitu ondoren.