Juan Muñoz. Atzera begirakoa
Bentrilokuoa barnealde bikoitz bati begira, 1988–2001 [203 aretoa]
Euritako marrazkiak [203 aretoa]
Iruzkinak
Errailetatik irtetea, 2000-2001 [203 aretoa]
- Izenburua:
- Errailetatik irtetea, 2000-2001 [203 aretoa]
- Erakusketa:
- Juan Muñoz. Atzera begirakoa
- Gaiak:
- Artea eta pertzepzioa | Sorkuntza artistikoa | Eskala | Egonezina | Voyeurismoa | Suntsipena | Trenak
- Artelan motak:
- Arkitektura | Eskultura
- Aipatutako artistak:
- Muñoz, Juan
Zenbaitetan, indarkeria eta hondamendia bezalako gaiei heldu izan zien Muñoz-ek. Errailetik irtetea garrantzizko bere azkeneko lana izan zen. Frantziako abiadura handiko TGV trenaren lau bagoi herdoilduren kate-txokeak istripu baten eszena irudikatzen du. Amets arraro eta kezkagarri bat balitz bezala, trena da espazioan nagusi. Hasieran, ezbehartutako tren baten hondakinak direla iruditzen zaigu, baina, bagoietan zabalik dauden leihoetatik arretaz begiratzen badugu, xehetasun arkitektonikoez beteak daudela ikusiko dugu. Eraikinen fatxadak eta kale itsuak daude bertan eta hustutako hiri bat ematen du.
Eskala txikiko tren baten erreprodukzioa oinarritzat hartu eta handiagotu egin zuen Muñozek. Hala ere, benetako tren bat baino nabarmen txikiagoa izaten jarraitzen du. Beraz, ikusleak makurtuta begiratu behar izango du bagoien barrualdea. Begiratzeko makurtzera behartzean voyeur baten antzera ikusiko du bere burua ikusleak, deseroso sentituz. Ikusleak behatzen duena alderantzizko mundu bat da; izan ere, hiri bat dago trenaren barruan.
Muñozen beste obra batzuek bezala, Errailetik irtetea lanak ere nahasmena eragiten digu. Bere eskala ez dator bat maketa baten tamainarekin ezta tamaina errealarekin ere, bagoiak elkarren gainean pilatuak daude, eta muturretako bagoiak berdin-berdinak dira; beraz, ezin dugu asmatu zein norabidetan zihoan trena errailetik irten aurretik.