Juan Muñoz. Atzera begirakoa
Nanoa hiru zutaberekin, 1988 [205 aretoa]
Berak baleki, 1984 [207 aretoa]
Iruzkinak
Lur-eremua, 1986 [206 aretoa]
- Izenburua:
- Lur-eremua, 1986 [206 aretoa]
- Erakusketa:
- Juan Muñoz. Atzera begirakoa
- Gaiak:
- Artea eta espazioa | Artea eta literatura | Artea eta pertzepzioa | Artea eta psikologia | Sorkuntza artistikoa | Geometria | Materiala | Mugimendua | Eskala | Bentrilokuo-panpinak | Poesia | T. S. Eliot | Egonezina | Ilusio optikoak
- Artelan motak:
- Instalazioa
- Aipatutako artistak:
- Muñoz, Juan
Obra honen izena T.S. Eliot-en poema baten izenetik hartua da: Lur-eremua. Juan Muñozek egindako aurreneko eskala handiko instalazioa izan zen. Linoliozko zoru zabal baten egitura bat da. Zoruaren gainazalak erakarri egiten gaitu, eta aldi berean badirudi areagotu egiten duela ikuslearen eta aretoaren hondoan dagoen brontzezko bentrilokuo-panpina txikiaren artean dagoen distantzia —altzairuzko apal baten gainean eserita dagoelarik, hankak zintzilika dituela—.
Zoru optikoak antzinako Erroman eta Barrokoan inkrustazioekin egiten ziren zoruak gogora ekartzen dizkigu. Irudipenezko efektu hau motibo arkitektoniko bat da, Muñozi jakin-min handia piztu ziona. Ikuslearen pertzepzioa nahasteko baliatzen da ilusioaz, obraren barruan dagoela sentiaraziz. Elkar gurutzatzen diren forma geometrikoek espazioa mugitzen ari delako irudipena sortzen dute, eta zoruaren efektu kakotuak ikuspegi normala galdu dugulako sentsazioa eragiten digu.
Muñozentzat zoruak eszenatoki bat ere iradokitzen du, baita behatzailearen eta aktorearen —kasu honetan, panpinaren irudi txikiaren— arteko erlazio psikologiko konplexua ere. Eta txundigarria da. Zoruaren efektu dinamikoarekin kontrastean panpina eserita, mugitu gabe agertzen da. Espazioari adi-adi begira, bere gelditasunak areagotu egiten du isilik dagoen irudiarekin nolabaiteko elkarrizketa sortuko delako behatzaileak duen itxaropena. Muñozentzat, bentrilokuoa narratzailea da gainera. Eta bentrilokuorik ez duen bentrilokuo-panpina bat ere narratzaile izan daiteke. Panpina hor dago eserita, gurekin elkarrizketan hasteko zain. Ez du hitz egiten, baina bere nortasunak istorioak kontatzeko gaitasuna ematen dio.