Juan Muñoz. Atzera begirakoa
Euritako marrazkiak [203 aretoa]
Askotan, 1999 [208 aretoa]
Iruzkinak
Totelka ari den pieza, 1993 [204 aretoa]
- Izenburua:
- Totelka ari den pieza, 1993 [204 aretoa]
- Erakusketa:
- Juan Muñoz. Atzera begirakoa
- Gaiak:
- Artea eta literatura | Eragin artistikoa | Sorkuntza artistikoa | Tamaina | Antzerkia | Luigi Pirandello | Samuel Beckett | Komunikazioa
- Artelan motak:
- Soinu-artea
- Aipatutako artistak:
- Muñoz, Juan
Espazioan eszena da nagusi. Ilundutako gela honetan, foku batek argiztatzen dituen irudi txiki hauen arteko elkarrizketa entzuteko aukera izango duzu.
Elkarrizketa etengabe errepikatzen den sekuentzia labur batean oinarritua dago: batak besteari zerbait esan ote duen galdetzen dio eta besteak ezetz erantzuten. Etengabeko erantzuna hauxe da: “Inoiz ez duzu ezer esaten. Ez. Baina berriro heltzen diozu gai berari”. Zentzurik ez duen elkartruke hau Juan Muñoz-ek taberna eta kafetegietan entzun eta grabatzen zituen elkarrizketetan oinarritua dago. Hasiera batean katalogorako testuan erabiltzeko sortuak, azkenean miniaturazko irudiak aurkezteko erabili zituen solasaldi zati hauek Muñozek. Artistak fikziozko eszenatokiak eratzeko erabili zituen irudiak, antzerkiko moldaketak gogora ekarriz. Ekintzak, eta zenbaitetan entzun daitezkeen irudipenezko elkarrizketek lehen planoa hartzen dute. Eta horrek zeharo mugatzen du artelanaren eta ikuslearen arteko elkarrekintza. Biziki miresten zituen Samuel Beckett-en eta Luigi Pirandello-ren antzezlanetan inspiratu zen Muñoz, bai irudien eszenifikazioan bai alderdi linguistikoetan. Antzerkia ekoizteko modu honek zerbait erakusteko aukera eman zion ikusleak erreakzionatu beharrik izan gabe. Muñoz konbentzituta zegoen ondo asmatutako obra batek ez duela ikuslearen beharrik.