Juan Muñoz. Atzera begirakoa
Totelka ari den pieza, 1993 [204 aretoa]
Aurrez aurreko balkoiak, 1991 [Aretoetatik kanpo]
Iruzkinak
Askotan, 1999 [208 aretoa]
- Izenburua:
- Askotan, 1999 [208 aretoa]
- Erakusketa:
- Juan Muñoz. Atzera begirakoa
- Gaiak:
- Asiatikoak | Giza gorputza | Eskudelak | Artea eta espazioa | Artea eta pertzepzioa | Sorkuntza artistikoa | Lan-prozesua | Materiala | Perspektiba | Tamaina | Jantziak | Louisiana Arte Modernoko Museoa | Barrea | Giza harremanak
- Artelan motak:
- Eskultura | Instalazioa
- Aipatutako artistak:
- Muñoz, Juan
Juan Muñoz 1990eko hamarkadaren erdialdera hasi zen bere obretan irudi asiarrak aurkezten. Askotan, 100 irudik osatutako 1999ko pieza, serie honetako lan handiena eta zirraragarriena da. Seriea osatzen duten pieza guztietan barrez ari diren irudi asiar txiki batzuk agertzen dira. Keinuengatik eta jantzien xehetasun batengatik bakarrik bereizten dira elkarrengandik. Buru guztiak molde bera erabiliz eginda daude, antigoaleko denda batean Muñozek aurkitu zuen XIX. mendeko zeramikazko busto txinatar baten gainean modelatuta. Buruak oihalez egindako gorputzen gainean muntatu zituen ondoren, eta gorputzak jaka edo beroki grisekin jantzi zituen. Irudiak, oinik gabe, erakustareto batean kokatu zituen azkenean, taldeka batzuetan, maila gainetan, edo 1999ko inaugurazioan Humblebaek-eko Louisianako Museoan, Danimarkan, aurkeztu ziren bezala, eskudel gainetan. Pieza hau ikusgai jarri behar zen bakoitzean Muñozek aldatu egiten zituen irudien kopurua eta kokapena, aldi bakoitzean irudien arteko moldaketa eta erlazio desberdinak eratuz. Instalazioak itxura desberdina hartu arren, behatzailearen eta behatuaren arteko jokoa da beti obraren gai nagusia. Obraren erdian aurki gaitezke. Goitik eta behetik begiratu dezakegu. Kokapena edozein izanda ere, piezatik ahalik eta urrutien jartzen gara, irudi hauetara neurri bateraino bakarrik hurbil gaitezkeelako. Euren gorputz txikiek eta dagokien perspektibak beste dimentsio batean kokatzen dituzte; noraino hurbiltzen garen ez dio axola.