Juan Muñoz. Atzera begirakoa
Bizkarraren marrazkiak, 1990-1992 [209 aretoa]
Eserita dauden irudiak bost danborrekin, 1999 [203 aretoa]
Iruzkinak
Irudia zintzilik, 2001
- Izenburua:
- Irudia zintzilik, 2001
- Erakusketa:
- Juan Muñoz. Atzera begirakoa
- Gaiak:
- Gizakia | Giza gorputza | Heriotza | Artea eta espazioa | Artea eta emozioa | Eragin artistikoa | Ibilbide artistikoa | Sorkuntza artistikoa | Materiala | Mugimendua | Perspektiba | National Gallery (Londres) | Akrobatak | Edgar Degas | Francisco de Goya | Sentimenduak | Egonezina
- Artelan motak:
- Eskultura | Pintura
- Aipatutako artistak:
- Muñoz, Juan
Irudia zintzilik brontzez egindako eskultura birakari hau, 1970eko hamarkadaren erdialdean Londresen ikasle zenean, Juan Muñozek ondo asko ezagutu ahal izan zuen koadro batean dago inspiratua. Koadroa, 1879koa, Degas-ek egina da eta Miss Lala Fernando zirkuan izena du. Londresko National Gallery-n dago ikusgai eta zirkuko akrobata bat irudikatzen du bere hortzetatik zintzilik. Degasek koadro hau margotu zuenean goraipamen ugari jaso zituen duen perspektiba harrigarriagatik —behetik gorako ikuspegia, alegia—, baita sortzen zuen ilusio espazialagatik ere. Behatzaileak gorantz begiratzea gustatzen zitzaion Muñozi, eta obra horretan inspiratuta, itxuraldatu eta hiru dimentsioko irudi bihurtu zuen. Antzeko postura erabili zuen. Irudi honen besoak eta hankak atzerantz daude nabarmen mugituak; akrobaziako keinu ederra eta ikusgarria da, inguruko espazioari eragiten ari balitzaio bezala. Muñozen irudia txundigarria da, ordea. Irudi anbiguoa da, arropa normalez jantzia, eta kontraesaneko sentimenduak sorrarazten ditu. Eszena hau behatzen ari garen bitartean larritasuna sorrarazten digu, amesgaizto batean bagina bezala. Irudia protuberantzia batetik dago zintzilik, bere mingaina edo bere erraiak izan litezkeenak. Eta Francisco de Goya-k margotutako gorputz zintzilikatuen irudien eragina —torturak edo heriotza-zigorra jaso zuten gerrako biktimen irudiena— suma dezakegu.
Izan ere, ikuskizunaren eta lazturaren konbinazio kezkagarri honek indar handia ematen dio obra honi.