Juan Muñoz. Atzera begirakoa
Danbor ugari, 1994 [Aretoetatik kanpo]
Antzekotasunik ba al da?, 1996
Iruzkinak
Oinetako kaxa batean bizitzen, 1993-95 [Aretoetatik kanpo]
- Izenburua:
- Oinetako kaxa batean bizitzen, 1993-95 [Aretoetatik kanpo]
- Erakusketa:
- Juan Muñoz. Atzera begirakoa
- Gaiak:
- Sorkuntza artistikoa | Mugimendua | Sinbologia | Tamaina | Dualtasuna | Trenak
- Artelan motak:
- Eskultura
- Aipatutako artistak:
- Muñoz, Juan
Oinetako kaxa batean sartuta dauden bi irudi txikiak etengabe ari dira mugitzen eta maketa batetik hartutako tren-errailetatik gora eta behera etengabe bidaiatzen. Errailak paretan ezarri dira eta sortzen duten angeluarekin kaxa eta bertan dauden irudiak behin eta berriro geure aurretik agertzen eta desagertzen dira.
Aldi berean, eskultura baten inertzia eta mugiezintasuna azpimarratzea lortu du hemen Muñoz-ek. Bere artelanentzako, mugiezintasunaren eta mugimenduaren artean leku bat bilatzen saiatu zen etengabe.
Gainera, obra hau bere irudi asko estutzen dituen lotura amaigabearen deskribapen ludikoa eta umoretsua da. Mugimendua eteten ez den arren, ez dago irteerarik ezta aurrerabiderik ere. Bizitzan hori da euren halabeharra. Bi irudi hauek ez dira inoiz gai izango trenetik jaisteko, eta atzerantz eta aurrerantz pendulu baten antzera mugitzera kondenatuak daude. Baina, aldi berean, helmuga ezezagunen batera doan tren bateko bidaiarien irudiak izan daitezke. Gure adimenean, aldatzeko eta leku urrunetara joateko geuk sentitzen dugun nahi hori transmititzen diegu.