Juan Muñoz. Atzera begirakoa
Gizon bat gela batean, apustu egiten, 1992
Musikarako eraikin bat, 1993
Iruzkinak
Patente erregistratua: danbor-jole bat kaxa birakari baten barruan, 2001-02
- Izenburua:
- Patente erregistratua: danbor-jole bat kaxa birakari baten barruan, 2001-02
- Erakusketa:
- Juan Muñoz. Atzera begirakoa
- Gaiak:
- Sorkuntza artistikoa | Lan-prozesua | Soinua | Tamaina | Lankidetza artistikoa | Tate Modern | Irratia | Antzerkia | Alberto Iglesias | John Malkovich
- Artelan motak:
- Soinu-artea
- Aipatutako artistak:
- Muñoz, Juan
2001ean bat-batean hil baino lehentxeago, Juan Muñoz Alberto Iglesias musikagilearekin batera aritu zen Patente erregistratua pieza lantzen. Soinuak eta notak ikusgai bihurtzean zetzan, era horretara piezaren gai nagusia azpimarratuz, ikustea eta entzutea, alegia. 2002an lan honen CD bat argitaratu zuten, Alberto Iglesiasek grabatua, non narratzaile gisa John Malkovich aktoreak parte hartu zuen. Bertsio hau irratiz eman zuten baita ere.
Alberto Iglesiasek gogoan du nola sortu zuten pieza hau:
"Patente erregistratua piezako testua objektu baterako legezko patente bat da. Objektua perkusio-jole txiki bat barruan duen kaxa bat da, eta instrumentu txiki-txikiak jotzen ari da, era berean objektuaren eskala txikia erreproduzitzen dutenak. Garai hartan pelikula batean ari nintzen lanean John Malkovich aktorearekin. Hirurok bildu ginen eta Johni izugarri gustatu zitzaion pieza honetan elkarrekin lan egiteko ideia hura. Asmoa hauxe zen, irratiko pieza bat egitea, Londresen aurkeztuko zena, Tate Modern museoan ikusgai jarritako erakusketaren amaiera adieraziko zuen ekitaldi gisa… Patente guztiak behin eta berriro formulatzen dira, ia itxura bat dira nolabait esateko. Errepikapenak behar izaten dituzte termino legal guztiak zehazteko; oso egitura konplexua da. Hala ere, Malkovichen antzezpen lana oso-oso askea da, eta kadentzia bakoitzari, arnas bakoitzari ematen dio garrantzia. Piezaren irakurketan une nagusi bat zegoen, eta une horretan irakurtzeari utzi eta zigarro bat pizten zuen, era horretara isiltasun esentzial antzeko bat sorraraziz… Pieza irratirako bakarrik egin nuen azkenean Juan hil zelako, baina jatorriz, irrati eta antzerkirako pieza bat izan behar zuen”.
Lan hau entzunez gozatu ahal izateko sortu zen, eta horretara gonbidatzen zaitugu orain edo bisitaldia amaitu ondoren.