Juan Muñoz. Atzera begirakoa
Berak baleki, 1984 [207 aretoa]
Arabiarra, 1995 [207 aretoa]
Iruzkinak
Hitz-emailea, 1988 [207 aretoa]
- Izenburua:
- Hitz-emailea, 1988 [207 aretoa]
- Erakusketa:
- Juan Muñoz. Atzera begirakoa
- Gaiak:
- Artea eta espazioa | Artea eta pertzepzioa | Artea eta emozioa | Sorkuntza artistikoa | Geometria | Lan-prozesua | Erakusketak | Konrad Fischer galeria | Memoria | Antzerkia | Nanoak | Danborra
- Artelan motak:
- Instalazioa
- Aipatutako artistak:
- Muñoz, Juan
Juan Muñoz-ek 1988an sortu zuen Hitz-emailea obra Düsseldorfeko Konrad Fischer galerian, Alemanian, egin zen erakusketa baterako. Bisitaria plataformara hurbil daiteke baina distantzia jakin bat mantenduz, hau da, eszenatokian gertatzen dena begiratu ahal izateko ikusleari dagokion lekua hartzen du. Kaxaren barruan zer dagoen ikusi ahal izateko, eszenatokiaren ertzaren azpitik makurtu behar izango du.
Metalezko eraikuntza irekiak giza gorputz baten behealdea begiratzeko aukera ematen dio ikusleari. Gorputza kaxaren barruan ezkutaturik dagoela ematen du. Eta dituen hanka motzak ikustean, nano baten irudia dela antzeman ahal izango dugu. Beste aldean, eszenatokiaren atzealdean, danbor bat ikus daiteke paretan bermatua. Ikusi ahal izango duzunez, danborraren larruak irudikatu egiten ditu zoruaren motiboak.
Obra honetan danbor bat erabiltzearen ideia nola bururatu zitzaion gogora ekarri zuen behin Muñozek. Düsseldorfeko Konrad Fischer galerian bereizita ikusgai jarriko ziren bi danbor egin zituen eta, hala, Hitz-emailea obran zoruak beste elementu bat gehiago behar zuela pentsatu zuen. Artistak zioenez, bere hasierako erabakietan inprobisazioari bide eman ohi zion nolabait, baina ondoren ezin izaten zuen modu berean obra horietara itzuli. Interesgarriagoa iruditzen zitzaion aurretik egindako obra batek eraldaketak eragiteko aukera izatea, hau da, gordeta zegoen paketatze-kutxatik berriro irten eta bizitza berri bat hartzea. Hitz-emailea sortu zuenean, berriz, memoriaren etxe bat eraiki nahi izan zuen, beti hor egon arren inoiz ikusten ez dugun ideia horrena. Antzezpenik eskaintzen ez zuen eszenatoki bat zela esan zuen, gogoratzen eta ez ahazten saiatzen ari den gizon batekin besterik gabe.