Artea eta Txina 1989 ondoren: Munduaren antzerkia
Mao Zedong: Sareta gorria, 2. zkia., Wang Guangyi
Ura: “Cihai” hiztegiaren bertsio estandarra, Zhang Peili
Iruzkinak
Sinestamendua, Geng Jianyi
- Izenburua:
- Sinestamendua, Geng Jianyi
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta politika | Tiananmen plazako protestak | Komunismoa | Zentsura
- Mugimendu artistikoak:
- Arte Kontzeptuala
- Aipatutako artistak:
- Geng, Jianyi | Huang, Yong Ping
Txinako artista kontzeptualek kritika eta lengoaiaren eraispena izaten zituzten kezka nagusi. Hizkuntzak botere hilgarria zuen artista haientzat, ikaraz bizi izan baitzituzten eurek Mao Zedong-en garbiketa politiko ugariak. Iraultza Kulturalean gauzatu ziren horiek, izan ere, milioika lagun erahil zituzten horretan.
Sobietar Batasuneko artista modernoek 1970eko hamarkadan bezala, 80ko hamarkadaren amaieran eta 90ekoan artista txinatarrek ahozko eta idatzizko lengoaiaren forma burokratikoak hartu zituzten, gainean zeramaten izua agerian uzteko. Tiananmenen ondoren, burokrazia komunista zentralak neurri gogorrak hartzen zituen bitartean, artistek ohiko kontrolerako forma administratiboak imitatzen zituzten, eta horiek eraldatzen zituzten norbanakoaren keinu bereziekin.
Formularioak alde guztietan erabiltzen ziren Txinan, gauza guztietan izena emateko, berdin arte-klaseak izan nahiz gobernuko enpleguak izan. Geng Jianyi artistak galdetegi faltsua sortu zuen, ikusmira handia sortzen zuen artisten eta kritikarien bilera baterako. Bileraren helburua 1989ko China/Avant-Garde erakusketari begirako plangintza egitea zen, eta topaketaren aurretik parte hartzaileei bidali zien. Galderak, erantzunak bezalaxe, absurdoak ziren.
Huang Yong Ping artistak agure baten argazkia jarri zuen bere erretratua balitz bezala. Ondoren galde-erantzunak: “zein da zure begiko animalia?”. “Gizakia”. “Zein da zure begiko pertsona?”. “Animaliak”. Lerro guztiak irakurtzerik ez badugu ere, argi antzematen da galdetegia berez satira bat dela. Geng kezkatuta zegoen “abangoardia” deitzen zena manipulatuta ez ote zegoen Txinaren artegintza garaikidearen sistema berrian, eta gogoz saiatzen zen eszeptizismo osasungarri bati eusten, norbanakoaren adierazpen librearen burokratizazioaren aurrean.
Atal honetako euskarrietan aurkituko dituzu galdetegi honen adibide zenbait.