Artea eta Txina 1989 ondoren: Munduaren antzerkia
Fu Dao/Fu Dao, Chen Zhen
Sarrera [aretoa]
Iruzkinak
Brooklyngo zerua – Pekinen zulo bat egitea + Pekingo zerua, Wang Gongxin
- Izenburua:
- Brooklyngo zerua – Pekinen zulo bat egitea + Pekingo zerua, Wang Gongxin
- Erakusketa:
- Artea eta Txina 1989 ondoren: Munduaren antzerkia
- Gaiak:
- Kultura eta globalizazioa
- Artelan motak:
- Bideoinstalazioa
- Aipatutako artistak:
- Wang, Gongxin
Wang Gongxin izan zen bideoartearekin eta bideoinstalazioarekin esperimentatzen lehen artista txinatarretako bat. Bere belaunaldiko sortzaile esperimental asko bezala, New Yorken bizi zen, Brooklyngo estudio batean. 1995ean Pekin-era itzuli zenean egin zuen bideoinstalazio bat jasotzen dute argazki hauek.
Herrialde batetik bestera ibiltzen zen artista izanik, Wang-ek oso gogoan zituen txinatarrek eta estatubatuarrek elkarri buruz zituzten irudipenak. Eta erabaki zuen lan batean kritikatzea Txinan eta Mendebaldean, 1990eko hamarkadan, artistek eta erakusketa-arduradunek elkar ikusteko zuten modu desorekatua. Pekingo bere etxea estudio bat zen, lagun artistei zabaldua, eta hantxe putzu sakona egin zuen, haren barnean bideo pantaila bat jarrita. Behera begiratuz gero, hodeiak ikus zitezkeen zeru urdina zeharkatzen. Wang-ek Brooklyngo bere estudioaren kanpoaldean grabatu zuen bideoa hura eta, haren bidez, mundu osoko zerua eramaten zuen, hain zuzen ere, Pekingo bere auzoaren erdira.
Jatorrizko instalazioa deuseztu egin zuen. Erakusketa honen harira, komisarioek Wang-i eskatu zioten bertsio berri bat egin zezan Guggenheimerako. Bideo pantailan, putzu faltsu horren barruan ikusten dira Pekingo zeruaren irudiak, artistak grabatu zituenak 2017ko egun argitsu batean. Grabazioak txineraz esan nahi du: “Zeri begira zaudete? Zer dago hor begiratzeko? Zeruan laino gutxi dago. Zer dago hor ikusteko?”.
Lan burutsu honek bi hizkuntz adierazpen konbinatzen ditu bisualki: bat txinerazkoa da, putzuan den igel bat aipatzen duena. Igelak esaten du mundua ezagutzen duela buru gainean duen zeru zatiari begiratuta. Bestea estatubatuarra da, eta horren arabera, lurra zulatuz gero behar adinako sakonerara, Txinara iristen zara. Wangek dio munduari buruz dugun ezagutza gure ezjakintasun absurdoak mugatzen duela, eta gure kulturen arteko imajinaziozko aldea behar baino gehiago puztu dela ehunka urtetan.