Artea eta Txina 1989 ondoren: Munduaren antzerkia
Post-Sense Sensibility: Alien Bodies and Delusion (Postsentsazioaren sentiberatasuna: gorputz arrotzak eta eldarnioa). Erakusketa: Eusten zaila, Liu Wei (2016.262) + Beste leku batean, Yang Fudong (2016.263)
Hona hemen Solomon zelako gizon bat nola iritsi zen Txinara, Zhou Tiehai
Iruzkinak
Dragoia gora bidean: estralurtarrentzako proiektua, 2. zkia., Cai Guo-Qiang
- Izenburua:
- Dragoia gora bidean: estralurtarrentzako proiektua, 2. zkia., Cai Guo-Qiang
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta kultura | Kultura eta globalizazioa
- Artelan motak:
- Performance | Pintura
- Aipatutako artistak:
- Cai, Guo-Qiang
Artista txinatarrek era librean erabili zituzten euren ekialdeko kulturatik sortutako ideiak, materialak eta praktikak, eta mendebaldeko arte-forma garaikideekin fusionatu zituzten. Ikusmolde hibrido horrek bat egin zuen kritika posmodernoarekin, mendebaldeko artearen eta pentsamoldearen nagusitasuna kolokan jartzen baitzuen.
Guggenheim Bilbao Museoak Cai Guo-Qiang artistaren atzera begirakoa eskaini zuen 2009an, artista horrek Pekingo Olinpiar Jokoetako inaugurazio ekitaldian nagusi izan zen su-artifizialen erakustaldia diseinatu eta urte batera. Dragoia gora bidean: estralurtarrentzako proiektua, 2. zkia. izeneko artelan hau 1989an paperean egiteko, tinta eta bolbora erabili zituen artistak. Bertan, herensugea, Txinaren sinbolo arketipikoa, mendi batean gora doa zeruraino, espaziotik estralurtarrek ikusiko luketen bezala, irudimenezko ikuspegi batean.
Cai Guo-Qiang-ek bolbora darabil bere “bolborazko marrazkiak”, berak deitzen dien moduan, egiteko. Horretarako, bolbora jartzen du paper txinatar oso sendo baten gainean eta su ematen dio. Geratzen dena suaren hondakina da. Bolbora erabiltzen du Cai-k, Txinarekin aise lotzen dugun materiala, efimeroa, ikusgarria izateko eta, agian, bortitza izateko ere pentsatua dena; era horretan, performancearen eta margolaritzaren arteko artegintza bat sortzen du.
Marrazki hau plan moduan egin zuen bere “leherketa ekitaldia” antolatzeko (hori baita, hitzez hitz, artistak bere su artifizialetako lanak aipatzeko erabiltzen duen esapidea). Frantzia hegoaldean egitekoa zen, baina azkenean, inoiz ez zen gauzatu. Cai-ren herensugeak igo behar zuen mendia Sainte-Victoire mendia zen, Paul Cézanne posimpresionista frantsesak famatu bihurtu zuena, mendebaldeko artegintza modernoa sintetizatzen duten margo-sail batean. Mendi magalari su emanez, Cai-k egiaz fusionatuko zituzkeen Ekialde eta Mendebaldeko kultura sinboloak, hala nola mundu modernoa eta antzinakoa ere.
Dragoia gora bidean: estralurtarrentzako proiektua, 2. zkia. izena duen Cai Guo-Qiang-en paperezko lan honetan tintazko inskripzio bat dago, honako hau esaten duena:
“Dragoiak sinbolizatu izan du naturak lurrean eta unibertsoan duen ahalmena. Era berean, gizakiak zeruan nahiz ozeanoan libre, mugapen fisiko guztietatik harantz, hegan egiteko duen ametsa ere hezurmamitzen du. Orain suzko herensugea zerurantz doa, lurretik herensugearen soin bihurritsua balira bezala altxatzen diren haitzetan gora, Lurretik harantago bizi diren gogoekin gizateriak eduki lezakeen harreman baten esperantza daramala. Gainera, unibertsoaren besoartera itzultzea bilatzen duen gizakiaren espiritu unibertsalaren ekintza bat irudikatzen du”.